AC Milan striker Francesco Camarda chuan Inrinni zan khan Serie A-a a game hmasa ber khelin, kum 15 mi hian Serie A-a khel thei naupang ber record thar a siam.

Inrinni zanlai khan AC Milan hian si khat faiin Fiorentina chu San Siro-ah an hneh a, Camarda hian 84mins-ah Luka Jovic a thlak a, kum 15 leh ni 260 chauha upa a ni.

Camarda hma hian Wisdom Amey chu Serie A-a inkhel thei naupang ber a ni a, Amey hian kum 2021 khan kum 15 leh ni 274-a upa niin Bologna tana a league game hmasa ber a khel.

Milan hian an striker Olivier Giroud chu suspend a nih avangin Fiorentina lakah hian an chhawr thei lova, Noah Okafor a inhliam bawk avangin Camarda hi first team-ah dah chhoh a ni.

Camarda hian kumin September thla mai khan UEFA Youth League-a a game hmasa ber a khel a, hetah hian Newcastle United lakah goal hnih a khung a, Camarda hi kum 16 a tlin hma-a Italian top flight league-a inkhel thei pariatna a ni.

Premier League lamah Ethan Nwaneri chu Premier League-a inlan thei naupang ber a ni a, Arsenal rawlthar Nwaneri hian nikum September thla khan kum 15 leh ni 181-a upa niin Brentford a hmachhawn a ni.