Serie A ah Juventus an Champion ta

03rd May 2015, 05:05AM

Juventus chua Vidal goal thun hmangin Sampdoria lakah hnehna an chang a, a zawnin kum 4 lai Serie A ah an champion ta.

Game 4 lai khelh tur Juventus hian la nei mahse an huai chiah a awm Lazio in an umphak theih tawhloh avangin an game khelh leh turah te chaklo vek mahse Juventus hian point an hmu sang ber tawh tho tho dawn a ni.

Point 1 chiah Champion nan mamawh chungin Juventus hian Sampdoria hi an hmachhawn a, an mamawh aia tam Arturo Vidal-a goal hmangin an hlawhchhuak a, Juventus a season 1 a hmannah ah Massimiliano Allegri chuan Serie A ah Juventus a champion pui nghal ta a ni.

Juventus hian awlsam takin poin 3 hi an hlawhchhuak bik lova, goal thun theihna hun tha pawh an nei nual. Juventus lam atnag pawhin Llorente leh Tevez te pawhin goal thun theihna hun tha tak tan an neih an chawr thei bik lova, he inkhel a goal awmchhun hi Vidal chuan min 32-na ah Stephan Lichsteiner cross tha tak chu a tauh goal.

Sampdoria hian shot ngah viau mahse chance tha tak an insiam hleithei lova, Juventus aiin shot ngah mahse goal zawnah erawh vawi 2 chiah shot an nei thei.

Juventus Serie A a champion pui tu Allegri hian 2010-11 season khan AC Milan a enkawl tirh in Serie A ah a champion pui nghal a, tunah Juventus a enkawl hnuah a s season hmasaberah Juventus chu awlsam takin a rawn Champion pui leh ta a ni.

Champions League semifinal ah Juventus hian champion lai Real Madrid an hmachhawn dawn a, Italian Cup Final ah Lazio an hmachhawn leh bawk dawn a, tunah hian Treble champion nih theihna hun tha tak an nei mek a ni.

Copyright © inkhel.com 2024. All rights reserved.