Sergio Ramos leh De Gea an inthleng dawn?

22nd June 2015, 04:06AM

Real Madrid a hlim lo kum 29 a upa Madrid centre-back Sergio Ramos chuan Manchester United a pan hmel ta hle.

Kum 10 lai Real Madrid a khel tawh Ramos hian kum 2 daih contract hman zawh tur ala nei a, mahse Santiago Bernabeu ah hian a hlim loh thu a sawi niin sap ram chanchinbute chuan an tarlang a ni.

Real Madrid hian Man Utd goalkeeper De Gea chu lakluh tum in an bei ngawrh hle a, hetihlai hian Man Utd hian De Gea hi awlsam taka chhuahtir mai an tum bik lova, an mamawh em em centre-back tha Ramos hi Madrid lam atangin an phut let ve dawn niin an sawi.

Man Utd manager hian season kalta a an che that tawklohna defensive lam a ngai pawimawh hle a, Dortmund atangin Mats Hummels lakluh a tum niin an sawi bawk.

Real Madrid defender hian Madrid in an hlut tawklo ah a inngaih avangin Madrid hi chhuahsan mai a duh niin a lang a, Man Utd mai nilo Man City leh PSG lam te pawh Ramos-a chungchangah ah hian an hming an rawn lang ve nghal bawk a ni.

Copyright © inkhel.com 2024. All rights reserved.