Serena catsuit hak an phal tawh dawn lo

25th August 2018, 08:08PM

Serena Williams chuan kumin French Open-ah khan sawi hlawh tak mai thawmhnaw a inbel a, catsuit dum a hak chuan thawm a nei deuh hak mai a. He a thawmhnaw hi kum tharah chuan hak an phal tawh dawn lo.

French Open ah Serena Williams chu rin loh ang takin a che a, a thawmhnaw inbel chu a dangdai hle mai a. A thawmhnaw inbel ang hi tennis court-ah chuan hmuh tur a awm ngai lo hle a, French Federation President meuh pawhin Serena chu a ti lutuk mah mah tiin a sawisel hial a. Serena hnenah hian kum tharah chuan Roland Garros-ah khatiang thawmhnaw kha chu inbel an remtih tawh loh thu an hrilh nghal a ni.

A inthuam dan chungchangah Serena Williams chuan nikum September thlaa nau a neih hnuah a taksa chuan ngai a la awh loh thu sawiin, kha thawmhnaw kha a hriselnain a zir rih loh avanga ha a nih thu a sawi a. A thisen khang har vanga a buai fo thu sawiin, nau a neih hnuah a la pangngai lo a, inkhelh a duh tho si avangin khatiang khan a inthuam ta mai niin a sawi.

Bernard Giudicelli, French Federation President chuan, “Serena khan tun tum chu a ti mah mah deuh a, kum thar atang chuan Roland Garros-ah hian khatiang inthuamna kha chu kan pawm tawh dawn hauh lo a ni,” a ti.

A sawi zelnaah, “A lehpekah chuan thawmhnaw siamtute chu eng ang nge an siam tih kan zawt chiang thlap thlap tawh dawn a. He game tizahawm lo thei tur chu kan duh vak lo a ni,” a ti bawk.

Copyright © inkhel.com 2024. All rights reserved.