Saul ‘Canelo’ Alvarez chuan a next fight tur a puang a, kumin September thla ni 30-ah Jermell Charlo nen Las Vegas-ah an inhnek dawn.

Alvarez leh Charlo te hi an weight class-ah ve ve undisputed champion ni lai an ni a, Alvarez hi undisputed super-middleweight champion niin, Charlo hi undisputed light-middleweight champion a ni bawk.

Alvarez hian kumin May thla ni 6 khan John Ryder-a lakah a title kawl lai te a humhim a, a hmain Jermell Charlo-a phirpui Jermall Charlo hmachhawn tur anga sawi ni mah se, Jermell Charlo a hmachhawn dawn ta zawk.

Alvarez hian a professional career-ah fight 63 nei tawhin vawi 59 hnehna a chang a, pound-for-pound a boxer tha berah min tam takin kum 32 mi hi an ngai.

Charlo hian a professional career-ah fight 37 nei tawhin, vawi khat bak a la tlawm lova, vawi 35 hnehna chang tawhin, draw vawi khat a nei a, a fight hnuhnung berah kumin May thla khan Brian Castano a hneh.

Kum 33 mi hian WBO, IBF, WBA leh WBC light-middleweight title te a kawl mek a, a chak loh awmchhun hi kum 2018 daih tawh khan niin, Tony Harrison a hneh lova, mahse a kum lehah Harrison hi a hneh leh ta tho a ni.