Premier League inkhelah Chelsea chuan Selhurst Park-ah Crystal Palace an tlawha, London club pahnih inkhelah hian goal nga lutin, mikhual lam Chelsea-in 3-2 in hnehna an chang.

Chelsea tan hian Olivier Giroud, Christian Pulisic leh Tammy Abraham te chuan goal khat theuh an khunga, Palace tan Wilfried Zaha leh Christian Benteke te chuan goal an khung bawk.

Chelsea hian khelh 34-ah point 60 an hlawhchhuak tawha, pathumnaah chho vin, Leicester result-a zirin palinaah an tla thla leh thei. Palace hian khelh 34-ah point 43 hlawhchhuak tawhin, 14-naah an awm mek.

Chelsea midfielder pahnih N’Golo Kante leh Matteo Kovacic te an inhliama, mahse manager Frank Lampard chuan Jorginho dah lut lovin, kum 19 mi Scottish midfielder Billy Gilmour inkhel bul a tan tir.

Inkhel an tana, minute nga vel awrh khelh a nihin Chelsea-in goal an khung; dinglamah Reece James chuan Willian through ball tha tak a pe a, Willian umtu, Chelsea captain hlui Gary Cahill chu hamstring avangin a tlan chhunzawm thei lo, Willian a awl phaha, ani hian Giroud pe in, French striker hian goal-ah a lo khung.

Darkar chanve khelh a nih hma deuhin Chelsea hian goal an khung belha, Willian chuan Palace box pawn deuh chiah atangin a thlanga awm Pulisic ball a pe a, Pulisic hian a ke ran zia lantirin, a ke veilamin goal a khung zuia, 2-0 in Chelsea in hma an hruai.

Chelsea goal khung hnu deuh lawk hian Palace-in goal an khunga, Zaha chuan ball changin, yard 30 vela hla atangin goal-ah ball a pet lut,a goal mawi tak a khung. First half-ah goal luh belh tawh lovin, 2-1 in Chelsea in hma an hruai.

Chelsea hian 70mins vel khelh a nihin a goal thumna an khunga, Ruben Loftus-Cheek a pass chu Abraham chuan goal-ah lo chantirin, 3-1 in Chelsea hma a hruaipui. Chelsea goal khung hnu lawk hian Palace-in goal an khung ve nghala, veilam atangin Chelsea player hlui Van Aanholt chuan ball a khalh luta, Benteke pe in, Benteke hian Palace goal hnihna a khung.

Chelsea hian inkhel thunun mahse hun tawp lamah erawh Palace hian chance tha tak tak an nei a, 90mins chho ah si ban pawh pet per nghe nghe in, Chelsea hi an chak zo lo teuh hle. Goal luh belh awm tawh lovin, 3-2 in Chelsea hi an chaka, Leicester-in Arsenal an hneh zawh loh chuan Chelsea hi pathumnaah an awm chhunzawm zel dawn a ni.

Crystal Palace 2-3 Chelsea

(Zaha 34’, Benteke 72’) (Giroud 6’, Pulisic 27’, Abraham 71’)

Player Ratings

Crystal Palace: Guaita 7, Ward 6, van Aanholt 7, Dann 6, Cahill 6, McArthur 6, Kouyate 6, Milivojevic 7, Zaha 8, Ayew 6, Benteke 7... Subs: Meyer 6, Townsend 6, Sakho 6, McCarthy 6.

Chelsea: Kepa 6, Azpilicueta 6, James 6, Christensen 6, Zouma 7, Gilmour 7, Mount 6, Barkley 7, Willian 8, Pulisic 8, Giroud 7. Subs: Jorginho 7, Abraham 7, Loftus-Cheek 7