​Season thara Ballon d'Or dawn tum Ozil

26th March 2015, 05:03AM

Arsenal midfielder Mesut Ozil chuan Lionel Messi leh Cristiano Ronaldo te khuma Ballon d'Or dawn a tum thu a sawi lang.

Real Madrid atanga £42.5million laia Arsenal-in an lei hnuah England-ah bul a tan tha hle a, ropui takin khel mahse inhliamin a tlakbuak chhunzawm a, season tira a khelh angin a khel hleithei tawh hrih lo.

Hetih lai hian Ozil chuan hmasawn a tum thu leh season thara khawvela player tha ber nih a tum thu Bild a hrilh a.

Ozil chuan,"Hmasawn leh fit taka ka awm a ngai a ni. Kum lo awm turah hian Ballon d'Or lawmman hi khawih ngei ka duh a ni," tiin a sawi. Ozil hian World Cup winner a nih thu leh khawvela League tha bera khel mek a nih avangin chu chuan theihna sang tak a pek tur thu a sawilang tel bawk a ni.

Copyright © inkhel.com 2024. All rights reserved.