Season thar atan MFA chuan inhlanthar na hun annei

Mizoram Football association (MFA) chuan july ni 3, 2015 Zirtawpni khan an office, Aizawl City Park bul-ah Football season thar atana inhlan tharna an nei.

Pu Lalthanzara President MFA chun akaihhruai a, term kalta ah lungrual tak leh thahnemngai taka an thawhho avanga hlawhtlinna hrang hrang an chante chu lawmawm a tih thu a sawi a, term tharah pawh thahnemngai taka thawkho leh turin leh tan la ho leh turin fuihna thu asawi bawk.

Pathian hnena inhlantharna hun hmangtu Rev. Lalramliana Pachuau, Synod Executive Secretary chuan Football hmanga chanchintha puanchhuah a nih theih dan kawng hrang hrang sawiin, Pathian thu chu hnam lungphum ani a ti.

Khawvel footballer lar tak takten an chezia a chanchintha anhril thin chu chhuanawm a tihzia te a sawi bawkin, mimal nun entawntlak tak nei lemlote tan pawh a, team anga chanchintha hril theih anih thute a sawi bawk a ni.

MFA term thar kum 2015-19 chhunga Office Bearer leh Executive Committee Member te inhmuhkhawmna hmasa berah hian Independence Day Lawmna Football Tournament huaihawt dan tur chungchangte, Asian Football Confederation hnuaia D-License Coaching Course kalpui dan tur te leh tun season thar MFA Calendar te an thlirho nghal bawk a ni.