Burnley midfielder Steven Reid chuan tun season tawp hian football khelh a chawlhsan tur thu a puang.

Kum 34 mi Reid hian nikum July thla khan a thlawnin Burnley hi a zawm a, tun season-ah game sarih chiah ala khel.

Republic of Ireland international defender hlui Reid chuan, "Ka taksa in a tlin tawk hi ka hriatthiam a hun tawh chuan ka hria. Chona thar hmachhawn ka chak a, 'A' licence ka neih hmangin coaching lam ka luhchilh ang a media lamah pawh ka in hmang zel ang." tiin a chawlh tur chungchang hi a sawi.

Reid hi West Brom, Blackburn, Queens Park Rangers leh Millwall-ahte pawh alo khel tawh thin a, kum 2000-2001 season khan Milwall hi Football League Second Division-ah pakhatna a nihpui.

Republic of Ireland tan pawh game 23 khelin kum 2010 July thla khan ram tan inkhelh a chawlhsan thu a puang. Ireland tan hian 2002 World Cup a khel a, knockout round an lut a mahse Spain an paltlang zo ta lo a ni.