Southampton goalkeeper Fraser Forster chu a khup hliam zai a nih hnuah tun season chhungin a inlan thei tawh dawn lo tih a chiang ta.

Kum 27 a upa Forster hian Inrinnni liamtaa 2-0 a Burnley an hneh tum khan ball clear a tumna lamah a khup a ti na a, Lithuania leh Italy pawh England tan a hmachhawn ve thei dawn ta lo a ni.

Nikum nipui lai khan Forster hian Celtic atangin Saints hi a zawma, tun season Premier League game 30 khelh tawhah Southampton tan a la inlan fai vek a ni. Goal 21 chiah a la chhuaha, Southampton chu tun season PL club zinga goal chhuah tlem ber a nih pui hrih mek a ni.

Newcastle tan pawha lo khel tawh thin Forster hian England tan tum thum a inlan ve tawha, tun season a Saints tana a vawikhat inlanna ni turin Kelvin Davis chuan inrinni khan a rawn thlaka, 4 April a Everton an hmachhawn hunah pawh Davis hian Saints si ban a nghak chhunzawm tura ngaih a ni.