27 Aug 2015 06:06

Zaua NicoGaitan

Sawiselna mai mai ka dawl zo lutuk - Rooney

Wayne Rooney chuan a nihna a hrechiang tawk a, sawiselna mai mai chu a dawl zawh hle thu a sawi.

Game 10 lai goal thun lovin a awm tawh a, sawiselna hrang hrang pawh a ri nasa, mahse Rooney hian amah sawiseltu te chu hattrick hmangin a rawn chhang let ta a nih kha.

Champions League Group Stage an luh theihna atan a goal 3 thun tu Rooney hian an sawisel thinna chungchang hi sawiin, "Rilru paukhauh tak chu nilo ila chuan sawiselna hian keimah ah thil thalo a rawn thlen ngei ang.

"Mahse ka quality ka hrechiang tawk a, ka inring tawk hle.

"Goal ka thunlo a nih pawhin kan team-mate te tan thawhhlawk tak ni turin theihtawp ka chhuah thin a ni" tiin a sawi.

Rooney hian hattrick a siam hma hian min 878 lai goal thun lovin a awm hman a, amah sawiseltut e chu goal hmanga a chhan let tur thu alo sawi tawh a nih kha.

(adsbygoogle = window.adsbygoogle || []).push({});