Formula One driver Kimi Raikkonen chuan Ferrari a chhuahsan ngei dawn niin a lang ta a, a awm mekna Ferrari chu tun season zawh ruala chhuahsanin, a lo awm tawh thinna Sauber-ah a kir tur thu a sawi chhuak ta.
Raikkonen hian Sauber-ah hian a F1 career bul tanin a hnuah lawkah McLaren a zawm a, season tharah Swiss team lam a pan leh dawn a, Charles Leclerc nen an inthleng dawn niin a lang.
Raikkonen hian a instagram account lamah Sauber-a a kir tur thu leh kum hnih chhung atan Sauber F1 hi a zawm tur thu hi a tarlang a, Ferrari fan-te tan chuan thu lawmawm a ni lo.
Raikkonen-a chhuahsan tur Ferrari team hi F1 team-ah chuan an hlun ber a, F1 chanchina team hlawhtling ber an ni bawk a, kum 1950 Formula One season atangin world championship inelnaah an la tel fai vek a ni.
Raikkonen an laklet tur chungchangah Sauber F1 neitu Fred Vasseur chuan, “Kimi Raikkonen kan lalet tur hi kan thil tum atan thil pawimawh tak a ni a, kan thiltum min hnaih zual tira, team kan nihna angin hma kan sawn tih a tilang chiang hle,” a ti.
“2019 season bul kan tan ho dawn a, innghahna nghet tak kan nei a ni,” a ti bawk.
Sauber hian harh tharna an chang meka, an rookie driver kum 20 mi Leclerc-a vang pawh a tih theih awm e. Lerlerh hi Sauber atangin Ferrari lamah a insawn nghal duai dawn a, kum 20 mi hi eng nge a an zel dawn tih hriat a chakawm tawh hle a ni.