11 Feb 2019 05:06

inkhel

​Santosh Trophy North East Zone Qualifying Round Meghalaya an chak nghal

National Football Championship for Santosh Trophy North East Zone Qualifying Round chu February 11, Thawhtanni khan AR Lammualah khelh tana ni a, match hmasa berah Group A Meghalay leh Tripura te inhmachhawnin Meghalaya chuan 3-0 a Tripura hnehin point 3 an hlawh chhuak. Meghalaya tan forward Donald Diengdoh chuan goal hnih a khung a, Brolington Warlarpih chuan goal khat a khung ve bawk.

Meghalaya XI

India rama state leh state football inelna sang berah hian India hmarchhaka state pasarihte zingah Nagaland hi an tel thei lo a, state paruk te hi group hnihah then an niin group-a a sang ber ve vein final round an lut ang. Mizoram hi Group A-ah Meghalaya leh Tripura nen an awm a, Group B-ah Manipur, Assam, Arunachal Pradesh te an awm thung.

Tripura XI

02:00 PM Meghalaya 3-0 Tripura

(Donald Diengdoh 11', 53', Brolington Warlarpih 42')

Goal lut te hi first half leh second half-a lut an ni a, goal hmasa ber hi minute 11-ah Meghalaya tan forward Raikut Shisha Buam corner pet tha zet chu box chhunga awm Donlad Diengdoh chuan mawi takin a tauh lut.

Meghalaya chuan inkhel thunun zawkin box chhung chiah a tang a Donlad Diengdoh shot tha zet chu a goal dawn nia alan laiin Tripura keeper Sanjoy Biswas chuan vawi hnih lai a dan sak.

Goal luh belh lo in chawlh lawk an hmang dawn emaw tih hnu first half huntawp dawn minute 3 ala awmin yard 25 vela atangin forward Brolington Warlarpih chuan goal ropui a khung. Meghalaya chuan 2-0 in hmaanhruai zui ta a ni.

Second half-ah pawh Meghalaya bawk chungnung zawkah tangin goal thun belhna hun tha an nei zui a, minute 53-ah forward Kynsaibor Lhuid ball pek fing tak chu Donald Diengdoh chuan box-ah lalutin mawi takin an goal thumna a khung zui leh ta a ni.

Tripura pawhin an siphurh sut tumin nawr let ve bawk mahse, forward Debraj Jamatia leh Bidya Charan Jamatia chuan an hum tha neih an hmang tangkai thei lo. Hun tawp thlengin goal a luh belh tawh lo a, Meghalaya chuan 3-0 a hnehna changin point thum hlutak an hlawh chhuak ta a ni.

February ni 12, Thawhlehni Fixtures

02:00 PM Manipur vs Arunachal Pradesh

February ni 13, Nilaini Fixtures

02:00 PM Tripura vs Mizoram

February ni 14, Ningani Fixtures

02:00 PM Arunachal Pradesh vs Assam

February ni 15, Zirtawpni Fixtures

02:00 PM Mizoram vs Meghalay

February ni 16, Inrinni Fixtures

02:00 PM Assam vs Manipur

(adsbygoogle = window.adsbygoogle || []).push({});