13 Jan 2018 01:35

PC Lala

inkhel correspondent and photographer

​Santosh Trophy Final Round khel tur Mizoram

January 12, Zirtawpni khan Santosh Trophy North East Zone qualifying round khelh chhunzawm a ni a, Mizoram chuan 3-0 a Assam hnehin group A atangin final round khel turin an tling ta a ni.

Mizoram tan Lalromawia chuan goal hnih a khung a, R Malsawmtlauanga (Msa) chuan goal khat a khung ve bawk. Mizoram hian an match hmasa berah 2-0 a Arunachal Pradesh an hneh hnuah Assam an hneh leh bawk.

January ni 13, Inrinni chawhma dar 10:00-ah Group B Meghalaya leh Manipur ten an khel leh ang a, a chak zawk zawk hian final round an khel ve dawn a ni.

Mizoram 3-0 Assam

(Lalromawia 22', 33', R Malsawmtluanga53')

Goal hmasa ber hi first half minute 22-a lut a ni a, Mizoram tan mual dinglam sir atanga Rammawia ball cross tha zet chu MC Malsawmzuala chuan Romawia tan a siam sakin Romawia chuan box pawn atangin chiang zet a chhuih lutin an hmahruaina a khung a, minute 1 aral leh hmain Rammawia ball fing danglam pek chu Romawia bawk chuan goal-ah chantir zui leh in an goal hnihna a khung zui leh ta a ni.

Second hlaf-ah Mizoram chuan inkhel thunun zuiin minute 53-ah R Malsawmtluanga (Msa) chuan free kick atangin mawi takin a khung leh bawk. Mizoram chuan goal thun belhna hun tha nei nualin Muanzova penalty hlawh chhuah chu MC Malsawmzuala chuan a pet goal lo thung. Assam pawhin goal thunna hun tha nei ve bawkin forward Milann Basumatary goal shot tha zet chu Mizoram keeper Muanawma chuan tum thum lai tha zetin a dan sak thung. Goal dang luh belh tawh lo in Mizoram chuan 3-0 in hnehna an chang ta a ni.

(adsbygoogle = window.adsbygoogle || []).push({});