Sancho duhtu club pali an awm

07th May 2021, 12:05PM

Borussia Dortmund player luck Jadon Sancho chu Europe-a club pali te’n an duh niin Sky Sports chuan a tarlang.

Sancho duhtu club pali te tun dinhmuna hriat theih an ni lova, mahse Manchester United erawh an tel ngei niin Sky Sports hian a tarlang.

Dortmund sporting director Michael Zorc chuan Sancho hi inremna mumal a awm theih chuan hralh an rem tih tawh thu a sawi tawha, Dortmund hmin thei tu tan English player hi a lak theih niin a lang.

Zorc hian nikum khan United chuan Sancho lakluh an tum ngeia, mahse United hian an phut ang an tihlawhtling thei lo tih a sawi tawha, kumin nipui bazar inhawn hunah United hian tha thara an beih leh ngei a rinawm.

Nikum khan Dortmund hian Sancho-a manah hian pound maktaduai 108 an chhiara, kumin erawh a man hi an tihniam a rinawma, pound maktaduai 80 vela an hralh phal a rinawm.

Sancho hian season tharah UEFA Champions League khelh ngei a duh nia sawi niin, Dortmund hi tunah hian pangnaah an awm meka, season tharah Champions League an khel thei dawn em a sawi theih loh.

Dortmund hian an striker Erling Haaland chu kuminah an hralh dawn a nih chuan pound maktaduai 150 aia tlema hralh an tum lo bur niin Sky Sports hian a tarlang tel bawk a ni.

Copyright © inkhel.com 2024. All rights reserved.