Borussia Dortmund chuan kumin nipuiah an player Jadon Sancho chu an chelh theih tawh an inring lova, hemi avang hian a manah pound maktaduai 100 an chhiar dawn tih Sky Sports chuan a tarlang.

Sancho hi tunlai player naupang zinga tha ber pawl leh che tha ber zinga mi a ni a, club lian hel rawn niin, season tharah chuan club thar a neih ngei tawh a rinawm hle.

Sancho hian kum 2017 khan Manchester City atangin Dortmund hi a pana, Dortmund a pan hnu lawkah an player pawimawh ni chho in, tunah hian Dortmund player zinga a thawhhlawk ber zinga mi a ni mek.

Sancho duhtu te zingah a club hlui Manchester City bakah Manchester United, Chelsea, Barcelona leh Bayern Munich te an langsar hle a, nipui bazar inhawn hunah Sancho hian heng zinga a tu emaw ber hi a pan a rinawm.

Dortmund-in Sancho an lak luh khan City nen an inremnaah Dortmund hian Sancho-a chungchanga dawrna an hmuh chu City hnenah an hrilh hmasak zel a ngai tela, City hian an duh chuan midang ngamna zata an ngam ve chuan Sancho hi an la lut thei.

Kum 19 mi hian Champions League khelh ngei a duh avangin a mah duhtu te hi Champions League khel tura an inpet tlin a ngai dawna, mahse tunah erawh Sancho hian Dortmund-ah bak rilru a pe rih lo nia tarlan a ni.