San Marino MotoGP-ah Marquez pakhatna

14th September 2015, 03:09AM

San Marino MotoGP zet chu a va hmuhnawm tak em, ruah surin a ti buai, vawi hnih lai bike an thlak, thutlukna siam fuh Marquez chu pakhatna a ni a, Britain pahnih Bradley Smith leh Scott Redding te chuan Podium an chang ve ve a ni.

Championship-a hmahruai mektu Valentino Rossi chu pangana a ni a, Lorenzo erawh a chesual hlauh mai. 247 points neiin Rossi chuan hma a hruai chhunzawm zel a, Lorenzo erawh 224 points neiin pahnihna a ni mek a, Champion lai Marc Marquez erawh 184 points neiin pathumna a ni mek a ni. Intlansiak vawi 5 chiah a awm tawh a, Rossi dinhmun a la tha chhunzawm zel a ni.

Lorenzo, Marquez leh Rossi te a hma lamah an inpel zak zak a, ruah a rawn sur, wet tyre hmang turin pit-ah an tlan lut a, wet tyre hmangin rei an tlan hman lo, khua a rawn tha chho leh, Marquez chuan rang takin slick tyres a hmang nghal a, Rossi erawh wet tyre hmanga tlan chhunzawm zel a thlang, a ti fuh ta lo a ni. Championship-a Rossi umtu ber Lorenzo erawh a chesual ta a, point 23 laiin an inthlau ta a ni.

Pathumna Scott Redding chu a tir lamah a tlu hlauh a, mahse tha takin a rawn tlan chhunzawm leh a, Lorenzo a tluk vang leh Rossi thutlukna siamsual zar a zo ta a, podium a rawn chang phak ta a ni.

Tun season-a podium la chang ziah Rossi chuan a vawi khat nan an ramah podium a chang phak ta lova, kum 24 Smith chuan "Mi huaisente chu vanneihna pawhin a um bik a ni," tiin an intlansiak zawhah a sawi. Marquez pawhin thutlukna siam harsa tak kara a thutlukna siam fuh em em mai chu a lawm em em thu a sawi bawk a ni.

San Marino MotoGP results:

1. Marc Marquez (Spain) Honda 48 minutes 23.819 seconds

2. Bradley Smith (Britain) Yamaha 48:31.107

3. Scott Redding (Britain) Honda 48:42.612

4. Loris Baz (France) Forward 48:50.246

5. Valentino Rossi (Italy) Yamaha 48:57.015

6. Danilo Petrucci (Italy) Ducati 48:58.906

7. Andrea Iannone (Italy) Ducati 49:0.346

8. Andrea Dovizioso (Italy) Ducati 49:1.253

9. Dani Pedrosa (Spain) Honda 49:3.335

10. Aleix Espargaro (Spain) Suzuki 49:3.511

11. Cal Crutchlow (Britain) Honda 49:5.814

12. Jack Miller (Australia) Honda 49:9.894

13. Mike Di Meglio (France) Ducati 49:12.200

14. Maverick Vinales (Spain) Suzuki 49:16.144

15. Alvaro Bautista (Spain) Aprilia 49:17.167

MotoGP Standings after race 13 of 18:

1. Valentino Rossi (Italy) Yamaha 247

2. Jorge Lorenzo (Spain) Yamaha 224

3. Marc Marquez (Spain) Honda 184

4. Andrea Iannone (Italy) Ducati 159

5. Bradley Smith (Britain) Yamaha 135

6. Andrea Dovizioso (Italy) Ducati 128

7. Dani Pedrosa (Spain) Honda 109

8. Danilo Petrucci (Italy) Ducati 93

9. Pol Espargaro (Spain) Yamaha 81

10. Cal Crutchlow (Britain) Honda 79

11. Maverick Vinales (Spain) Suzuki 69

12. Aleix Espargaro (Spain) Suzuki 66

13. Scott Redding (Britain) Honda 63

14. Yonny Hernandez (Colombia) Ducati 41

15. Loris Baz (France) Forward 28

picture credit : EPA & Reuters

Copyright © inkhel.com 2024. All rights reserved.