17 Dec 2015 01:04

Inkhel

Mizo Sports Website hmasa ber

​Samsung 3:16 LPS Pro Fight Title Fight Press Conference neih a ni dawn

Chanchinbumite hmaah champion lai leh anmahni chotute pho chhuah an ni ang a, zawhna chhangin an inbuk nghal bawk ang.

A hun : December 17, 2015 - Ningani chhun dar 12

A hmun : Aizawl Press Club, Treasury Square

Chanchinbumite hmaah champion lai leh anmahni chotute pho chhuah an ni ang a, zawhna chhangin an inbuk nghal bawk ang.

* Lightheavyweight champion Abel Lalawmawia'n 2009-a Pro Fight kalpui a nih atangin 'Title Fight' a la hmachhawn ziah a, champion ziah thei awm chhun niin 2009-ah Ngurdingliana, 2010-ah Vanlalhruaia, 2011-ah Dailova leh 2014-ah PC Lalmuankima a hneh.

* Title Fight' vawi li neih tawhah lightweight champion Lalmuanpuia a la inlan ziah a, 2009 leh 2014-ah chakin 2010 leh 2011-ah Anthony Lalduhawma a hneh lo zawn. Kuminah a vawi thum nan champion tumin hruihrual chhungah a lut ang.

* Bantamweight champion Lalnunhlua'n 2010 khan a vawi khat nan Pro Fight title lain nikumah champion lai Michael Zodinpuia hnehin a tum hnih nan a champion.

* Lightflyweight champion NT Lalbiakkima (Siaha) leh middleweight champion Johnkenty Vanhlimpuia'n a vawi khat nan title humhim an tum dawn a ni.

Mizoram hmun hrang hranga boxer 313-in Pro Fight champion laite title chhuhsak tumin fiahna an hmachhawn a, weight hrang pangaah mi pakhat theuh dingchangin December 18, Zirtawp zanah an duhthusam tifamkim turin champion lai nen title inchuhin inhnek an hmachhawn ang.