13 Nov 2015 01:43

PC Lala

inkhel correspondent and photographer

​Samsung 3:16 LPS Pro Fight 2015 tan a ni

November 11, 2015 (Nilaini) zan dar 7:30 PM-ah khan Samsung 3:16 Pro Fight chu Mizoram State Sports Council Multipurpose Hall, Mualpuiah khelh tan a ni a. Boxer 312 ten Pro Fight title an chuh dawn a ni.

Pro Fight hawngtu Mizoram State Sports Council secretary Pu C Laltlanthanga chuan "Ram changkangah sports hmasawn nan mi hausa leh mi awm theiten an robawm an hawng thin. Mizoramah a na chang kan hriat hmain LPS an pen chhuak a, tunah hian Pro Fight hmuhnawm tak a tum ngana nan Samsung 3:16 LPS Pro Fight tan a ni leh ta a, LPS inpekna hi chawimawitlak niin ka hria, Mizoram State Sports Council tel tawhnaah chuan Samsung 3:16 Plan Solution a tel ve zel a, Pu John-a (Samsung 3:16 firm neitu) te nupa hian infiamna an dawm kang a, a ropui a ni. Mizoram infiamnain hma a sawn theih nan mi hausate an pen chhuak a, pen chhuak zel turin ka sawm duh che u a ni. Boxing hi Mizote  kan theih em em a ni a, Zoramthanga leh Jenny (R Lalremliani) te chuan international medal an la tawh. India rama inelna sang ber National Games-ah Mizoram atanga medal la hnem ber chu boxing ah a ni" a ti.

Official sponsor Samsung 3:16 LPS Pro Fight neitu Pu John Lalpeka thusawi leh in, "LPS-in boxing hmasawnna tura hma an lakna zawng zawngah thalai aiawhin lawmthu ka sawi a, Mizoram Boxing hmasawnna tura Mizoram Boxing Association-in hma an lakna a ropui hle a, thalai aiawhin lawmthu ka sawi bawk. Pro Fight vawi ngana khelh a ni dawn a, Pro Fight vangin Mizo boxer-ten hlawkna tam tak an hmu. Chutih rualin chona lian tak a ni bawk a, India ram mai ni lo khawvel huapa lang thei tur leh Mizo tihmingtha tura chona a ni" a ti.

Mizoram Boxing Association president Dr Zorammawia chuan "Kum 1963-ah The Mizoram Amatuer Boxing and Wresling Association din a ni a, president hmasa ber chu Pu LN Tluanga a ni a, secretary hmasa ber chu Pu Lal Thanhawla tuna MIZBA patron hi a ni. 1979-ah boxing leh wrestling then hrangin 1980-ah national affiliation neih a ni a. MIZBA secretary general Dr Lalrozama chu Boxing India joint secretary a nih bakah medical commission-ah Vice chairman a ni bawk a, Mizoram Boxing-in kawng hrang hrangah hmasawn tumin ke a pen mek zel a, Pro Fight hmasa ber 2009 khan chief minister Pu Hawla'n district tina dah tur boxing ring min pe a, tunah hian district tinah hall chhungah ring dah a ni a, MIZBA chuan district tinah training centre hawngin Aizawlah centre pali dah a ni bawk a, a vaiin boxing hmasawn nan centre 11 hawn a nih thu a sawi bawk".

* Samsung 3:16 LPS Pro Fight hawnnaah hian Mizoram Boxing hruaitu hlui Remkima Colney sun nan ngawi rengin kalkhawmte minute khat an ding a, 2006 LPS Youth Icon Zoramchhani'n rimawi dang tel lovin "Aw, Nang Kan Lal Kan Pathian" a sa a, Mizo Dance Camp an lam bawk.

* Ni 38 chhung a awh dawn a, December 18-ah khar tura ruahman niin 'Title Fight' a ni dawn a, zan 30 inhnek a awm ang.

November 11, Nilaini zan Results:

Lightfly:

Joshua MS Dawngliana (Bawngkawn) bt Jacob Lalhruaizela (Edenthar)

= Unanimous Decision (30-27, 30-27, 29-28)

Lalrosangazuala (Hmunhmeltha) bt R Lalmuansanga (Thingsulthliah)

= Unanimous Decision (30-27, 30-28, 29-28)

Lalfakzuala (Khawruhlian) bt Lalrinliana (Bawngkawn)

= Unanimous Decision (30-27, 30-27, 30-27)

Isak Lalruatfela (Bethlehem Vengthlang) bt Sangmuana (Vaitin)

= Technical Knockout (Round 2)

Rammuanawma (Chhipphir) bt H Vanlalremruata (Zonuam)

= Split Decision (29-28, 30-27, 28-29)

Bantam

Lalhriatsanga (Vaitin) bt Lalmuanawma (Zuangtui)

= Unanimous Decision (30-27, 30-27, 30-27)

K Lalengliana (Khawkawn) bt Lalhruaisanga (Sakawrdai)

= Split Decision (30-29, 29-28, 28-29)

Lalmuanpuia (Thingsul Tlangnuam) bt Rampanmawia (Venghlui)

= Unanimous Decision (30-27, 30-27, 30-27)

Light

Roneihsanga (Rangvamual) bt Lalchhandama (Ramthar)

= Technical Knockout (Round 1)

Lalnunsiama (North Chaltlang) bt Robin K Lalnunthara (Kolasib)

= Technical Knockout (Round 2)

==========

 

Nov 12, Ninga zan - 7:30 PM Fight fixture

Lightfly - 6

Lalngaihliana, Ngur v Lallawmkima, Melriat

HC Lalpianthiama, Lawngtlai v Lalpekhlua, Tachhip

Vanlalhruaia, Sailulak v Vanlalthanga, Sawleng (blue corner)

Zohlimpuia, Bairabi v Vanlalruata, Govt Complex

Vanzairomawia, Lunglei Chanmari v Elisa Sairemsanga, North Chaltlang

Vanlalngilneia, Sairang v Michael CMSA, Sangau.

Bantam - 4

Zosangliana, Hermon Durtlang v Michael SL Hmar, Chanmari West

Anthony Chorei C John, Khawdungsei v Lalthanmawia, Champhai

Vanlalhriatkima, Chaltlang v David Z Khiangte, Mualpheng

Lalchhandama, Zemabawk v Kaplianthanga, Muanna Veng

Light - 4

Vanlalawmpuia, Melthum v Lalbiakthanga, Lungdai

K Lalhmingsanga, West Phaileng v Zosiama, Durtlang North

Robert Lalchhuanawma, Sakawrdai v VL Hriatpuia, Maubawk

Malsawmdawngliana, Melthum v Rosangzuala, Phunchawng

Nov 13, Zirtawp zan - 7:30

Lightfly - 7

Lalrinchhana Pachuau (Hmunpui) v Lalhuapliana (Chawnpui)

Lalrinpuia (New Serchhip Venglai) v R Lallawmkima (Lungmuat)

Lalngaihzuala (Melriat) v Bawiha (Zuangtui)

KC Lallawmsanga (Bungtlang) v Elis Lalrinchhana (Ramhlun Venglai)

Alex Vanlalliana (Zemabawk) v Vanlalhluna (South Lungpher)

Lalhruaitluanga (Melriat) v Imanuel Ngurliansanga (Tachhip)

PC Malsawmsanga (Dinthar v Lalrempuia (Hmunpui)

Bantam - 4

Ramdinthara (Saitua) v Lalvulsanga (Mamit)

Zoengmawia Hlawndo (Vairengte) v Lapejo Kawlni (Phuldungsei)

Lalhmingmawia Khiangte (Mualpheng) v Lalropuis (Vairengte)

Zomuanpuia (Tualte) v K Lalrinawma (Lunglei)

Light - 3

Thanchungnunga (Mimbung) v VL Thasangliana (Mualpheng)

F Lalrinpuia (Rabung) v Lalkrosthara (Khawlailung)

Emanuel Lalramdinpuia (khawruhlian) v C Lalruatfela (New Serchhip)