West Ham United manager Sam Allardyce chuan West Ham a chhuahsan dawn.

Kum 60 a upa Sam Allardyce hian season tharah West Ham enkawl zui zel turin contract thar a ziah dawn tawhloh thu a sawi a, West Ham lam pawh hian manager thar tur an zawng ve nghal bawk a, Rafael Benitez-a hming chu a ri ring ber mek.

Allardyce hian West Ham a chhuahsan tur thu hi sawiin, "Tun hi ka tan West Ham chhuahsan hun tak a ni a, chutiang bawkin West Ham tan pawh hun tha a ni bawk.

"West Ham lam nen hian inbiakna pawh kan nei a, contract thar ziahloh kan ti tlu ta a, West Ham lamin manager thar tha tak an nei ang a, manager tha hi hun pum pek ngaihna thil a nih avangin ka chhungkaw tan ka hun tam zawk ka pek ve tawh a ngai a ni" tiin a sawi.

Newcastle laka an tlawm zawh chiah khan West Ham lam pawhin thuchhuah siam nghalin Sam Allardyce-a chungah an lawmthu an sawi a, Allardyce hian chawlh a mamawh hrih thu sawiin football lama a kir leh lawk a rinloh thu a sawi bawk a ni.

Sam Allardyce-a hnuai a West Ham record :

2011-12:

3rd Championship (Promoted via play-offs); 

2012-13: 10th,  Premier League; 

2013-14: 13th; 

2014-15: 12th

Competition hrang hrang a record a neihpui te :

Premier League - Games: 114; W: 35; D: 28; L: 51; Win%: 31

Championship - Games: 49; W: 27; D: 14; L: 8; Win%: 55

League Cup - Games: 10; W: 5; D: 1; L: 4; Win%: 50

FA Cup - Games: 8; W: 1; D: 3; L: 4; Win%: 13

All - Games: 181; W: 68; D: 46; L: 67; Win%: 38 (Stats: Opta)