PSG French midfielder Blaise Matuidi chuan Liverpool defender Mamadou Sakho chu a thlawp tlat tur thu sawiin unau ang maia a en thu a sawi.
Sakho hi Europa League a Liverpool-in Manchester United an hneh tum khan damdawi hman phal loh a hmang ngei tih hmuhchhuah a ni a. UEFA chuan Sakho hremna hi la tichhuak lo mahse Liverpool chuan Sakho hi a thubuai ngaihtuah fel a nih hma chuan inkhel tura thlan a nih loh tur thu an puang tawh a ni.
Hetiang boruak karah hian Matuidi tawngchhuakin, "Sakho thubuai chungchang hi ka hre vek lo a, nimahsela Euro khel tura thlan a nih loh chuan min ti lunghnur hle ang. Ka unaupa ang maia ka en a ni a, ka thlawp tlat dawn a ni." tiin Sakho a tawng thlamuan thiam hle. Sakho leh Matuidi hi PSh-ah an khelh dun tawh thin a ni.
Kum 29 a upa Matuidi hian sawizawmin, "A professional em em a, a rinawm hle bawk. Hei mai bakah hian thil reng reng bei tang tang thin mi a ni. A tha zawnga engkim a kal ka beisei khawp mai." tiin. Sakho hian hre reng chunga damdawi hman phal loh hi a hmang tih hmuhchhuah a nih chuan kum 2 chhung inkhel thei lo tura hrem theih a ni a, tihpalh thil thua hmang a nih erawh chuan hrem loh theih a ni bawk.