Southampton chuan beiseina sang tak nena an lakluh Dani Osvaldo contract neihlai an ti tawp.
Kum 29 mi Osvaldo hi kum 2013 August thla khan Saints hian £15m sengin an lei a, mahse a talbuai a beisei a pha lo hle.
Kum 2014 January thla tawp lam khan training-na ah buaina a siam vangin pawisa chawitir leh suspend a ni a, hemi tum hian a teammate Jose Fonte a si/tauh niin an sawi a Juventus lamah loan-in an chhuahtir zui bawk.
Season liamta tir lamah khan loan-in Inter Milan-ah a khel a, game 18 khelin goal 7 a khung a mahse khelmual pawnah buaina dang a nei chhunzawm lehnghal.
Engmah sawi lovin ni hnih chhung a training lo va, Italian club hian suspend zuiin England-ah an thawn haw.
Kumin February thla khan loan-in Argentine club Boca Juniors a zawm leh a, June ni 30 khan a contract a tawp a Saints hian kum hnih daih contract la nei mahse an kawlzui duh ta lo a ni.