Premier League atanga an relegate tak avangin, Southampton chuan an manager chu an chelh dawn ta lo a, season tawp ruala Saints a chhuahsan tur thu an puang chiang.

Selles hian February thla khan Nathan Jones thlakin, Saints-ah hian senior manager anga  a hna hmasa ber a thawk a, Premier League team tha tak takte lakah khel tha ve viau thin mah se Championship Division lamah an liamthla dawn ta. 

Pathianni hian Southampton chuan home-ah Liverpool an hmachhawn dawn a, heihi a chhuah hma a Selles-a game hnuhnung ber tur a ni dawn a, tun season Premier League-a an game hnuhnung ber a ni bawk ang.

"Southampton Football Club chuan  Men’s First Team Manager Ruben Selles-a contract pawh sei loh kan rel tih kan tarlang a, a contract tawp rualin club a chhuahsan dawn a ni.

"Hun harsa tak kara club tana theihtawp a chhuah avangin Ruben chungah club chuan lawmthu sawi kan duh  a, a tawpna atan Liverpool game-ah team-te a kaihruai ang. A kal zelna turah club chuan duhsakna sang ber kan hlan," tiin club thuchhuah chuan a tarlang.

Swansea City lam mi Russell Martin chuan Southampton hna ruak tur hi a ngaihven rin a ni a, 2023/24 season-ah St Mary's lam hi a pan maithei niin thuchhuah thenkhat chuan an tarlang.