Nathaniel Clyne chuan a khelh mekna Southampton-ah a hlim tih a sawi a, English defender hi club lian thenkhatin lakluh an duh niin sawi a awm.

Clyne hian kum 2012 June thla khan Southampton hi Crystal Palace atangin a zawm a, kum 2016 thleng daih contract a ziak.

Kum 24 mi Clyne chuan, "Southampton tana khelh hi nuam ka ti a, Southampton-a awm pawh hi nuam ka ti. He hmunah hian inkhelh nuam ka ti a, hmasawn zel club a ni."

"Ka agent a biak theih a tichuan a kuta engkim ka dah, keichuan football-ah chiah rilru ka pe." tiin Southern Daily Echo hnenah a sawi.

Saints manager Ronald Koeman chuan an right-back hi contract thar ziahpui a in beisei a, season tawp hmain a hmalam hun hi chiang se a duh.

Clyne hian hmanni deuh khan Champions League khelh a chak thu alo sawi tawh a, Saints-ah hian hlim viau mahse tun nipui transfer hunah a chhuahsan tho maithei.