06 Jul 2019 07:15

inkhel

Sachsenring-ah Marc Marquez a hma ber dawn

Pathiannia German MotoGP intlansiak neih hunah Marc Marquez chu a hma berah a ding thei dawn a. Inrinnia qualifying an tlanah a che tha ber a, pole position a chang a ni.

MotoGP world champion ni mek Marc Marquez hi an intlansiakna hmun Sachsenring-ah hian a che tha thei hle a, kum 9 chhungin vawi 9 a chak thei a. He track-ah hian a zawnin vawi 10 chu pole position pawh a chang ta chiah a ni.

Pole position chang thei tur hian Marquez chuan Fabio Quartararo leh Maverick Vinales te chu a khum a, a elpui langsar ber Andrea Dovizioso chuan Q1 a paltlang thei ve ta lo.

Repsol Honda rider Marquez hnung chiahah hian Petronas Yamaha rider Fabio Quartararo chu a awm ang a, Monster Yamaha rider Maverick Vinales chu pathumnaah a awm dawn a, palinaah chuan Suzuki Ecstar rider Alex Rins a awm ang.

Pramac Ducati rider Jack Miller chu panganaah a awm ang a, LCR Honda rider Cal Crutchlow chu paruknaah a awm dawn a. Pasarihnaah chuan Petronas Yamaha rider Franco Morbidelli a awm ang a, a hnung chiahah hian Red Bull KTM Factory rider Pol Espargaro a awm dawn a ni.

Suzuki Ecstar rider Joan Mir chu pakuanaah a awm dawn a, LCR Honda rider Takaaki Nakagami leh Monster Yamaha rider Valentino Rossi te chu a hnungah hian an awm dawn a ni.

German MotoGP Qualifying Result
1. Marc Marquez, Repsol Honda
2. Fabio Quartararo, Petronas Yamaha
3. Maverick Viñales, Monster Yamaha
4. Alex Rins, Suzuki Ecstar
5. Jack Miller, Pramac Ducati
6. Cal Crutchlow, LCR Honda
7. Franco Morbidelli, Petronas Yamaha
8. Pol Espargaro, Red Bull KTM Factory
9. Joan Mir, Suzuki Ecstar
10. Takaaki Nakagami, LCR Honda
11. Valentino Rossi, Monster Yamaha
12. Danilo Petrucci, Mission Winnow Ducati
13. Andrea Dovizioso, Mission Winnow Ducati
14. Stefan Bradl, Repsol Honda
15. Aleix Espargaro, Factory Aprilia Gresini
16. Andrea Iannone, Factory Aprilia Gresini
17. Francesco Bagnaia, Pramac Ducati
18. Hafizh Syahrin, Red Bull KTM Tech3
19. Johann Zarco, Red Bull KTM Factory
20. Miguel Oliveira, Red Bull KTM Tech3
21. Karel Abraham, Reale Avintia Ducati
22. Tito Rabat, Reale Avintia Ducati

Fastest practice time:
Marc Marquez SPA Honda 1m 20.347s (FP3)

Official Sachsenring MotoGP records:
Best lap:
Marc Marquez SPA Honda1m 20.270s (2018)
Fastest race lap:
Jonas Folger GER Yamaha1m 21.442s (2017)