Russia infiammite an mualpho chhunzawm zel a, Russian heavyweight boxer neih țhat ber tih ngam Alexander Povetkin chu damdawi hman phal loh Ostarine(tihrawl tih chakna) a lo hman avangin World Boxing Council(WBC) chuan tiam chin awm loin a hrem a, $250,000 zet chawi tura tih a ni bawk.

Povetkin hi December thlaa Canadian boxer Bermane Stiverne nen WBC Interim Heavyweight title inchuha inhnek tur an ni a, nimahsela damdawi hman phal loh a hmang tih hmuhchhuah a nih hnuah he inhnek tur tihtawp nghal a ni.

Povetkin hi May thla pawh khan damdawi hman phal loh Meldonium a lo hman avangin thubuai a nei hman țep a, nimahsela Meldonium hi damdawm hman phal loh huam china an ziah luh hma chauha a hman thu a sawi avangin ngaihdam a lo tawh a ni.

Povetkin hian Boxer 31 a hmachhawn tawh zingah Heavyweight champion hlui Wladimir Klutschko chiah hneh loh a nei a, a tumpuite țum 28 lai a knock-out bawk. Povetkin hremna hi WBC buatsaih boxing inelnaah chauh a ni dawn a: International Boxing Federation(IBF), World Boxing Organisarion(WBO) leh World Boxing Association(WBA) buatsaih inelnaah chuan a inlan thei thung ang.