27 Sep 2020 07:56

bakteaJr.

Mizo tlangval

​Russian GP-ah Bottas a chak

Russian Grand Prix chu Sochi Autodrom-ah tlan zawh fel a ni a, Mercedes driver Valtteri Bottas a chungnung bera, Lewis Hamilton chu pathumnaah a awm.

Practice-naah Hamilton hian illegal practice start vawi hnih a neia, five-second penalty vawi hnih pek niin, 10-second penalty a neia, chak thei lo dinhmuna dingsa a tlan ang a ni.

Hamilton hian pole position changin hma hruai reng mahse lap 16-naah a pit a, hetah hian a 10-second penalty avangin chhuah tlai tir a ni a, heta a chhuak hi 11-naah awmin, Bottas aiin second 36 laiin a hniam zawk bawk.

Bottas hian a team mate Hamilton-a penalty chawi hmang tangkaiin race a thunun tluan zuia, a hnung chiaha tlan, Red Bull driver Max Verstappen chuan a pha lo hle a, Finn driver Bottas hian hnehna chang zuiin, Russian GP-a a chak vawi hnihna leh tun season-a a chak vawi hnihna a nia, a career-a vawi kua a chakna a ni bawk.

Hamilton hi penalty pek nilo se chak ngei tura ngaih a ni a, chak se chuan race 91-a hnehna a channa ni dawnin, chak hnem ber record ding lai Michael Schumacher-a record a nihrual pui chiah dawn a ni.

Tun season-ah race pali dang la awmin, Hamilton hian second hnih dang penalty a hmu leh a nih chuan race pakhat tlan thei lo tura hrem a ni tawh dawn a ni.

Russian GP result: