08 Dec 2019 08:55

bakteaJr.

Mizo tlangval

​Ruiz hnehin AJ-a’n a a title a la kir

British heavyweight boxer Anthony Joshua chuan kumin June thlaa a lo hneh loh tawh Mexican-American heavyweight boxer Andy Ruiz chu unanimous decision hmanga hnehin a heavyweight title hloh te a la kir leh.

Kumin June ni 1 khan AJ leh Ruiz-te hi an lo inhnek tawha, beisei loh zawk Ruiz hian round 7-naah technical knockout hmangin hnehna a changa, AJ-a heavyweight title kawl lai IBF, WBA leh WBO world heavuweight title te a chhuhsak.

An contract-ah rematch theihna a awm avangin rematch neih tura ruahmanna kalpui nghal a ni a, kumin December ni 7 khan rematch neih tura tih fel niin, Saudi Arabia-ah he rematch nghahhlelhawm tak hi nghah a ni a, AJ hian hnehna a changa; IBF, WBA leh WBO world heavyweight champion a vawi hnih nan a ni.

He rematch-ah hian AJ hian first round-ah Ruiz-a mi ko a hnek kak nghala, minute 36 an inhnek chhung zawngin AJ hi fimkhur tak leh fing takin a che a, jab fing tak tak leh right-hand tha tak tak hmangin Ruiz hi a bei a, a amah tan tu mi 14,000 chuang laiin Diriyah Arena-ah, “AJ,AJ,AJ,” tia aurualin British boxer hi an lo thlawp bawka, boruak a pui miah miah hle.

Ruiz hian AJ hi a hneh lo hle a, fight zawhah score-card chhiar chhuah niin AJ hi 118-110, 118-110, 119-109 a chakin an insawp hle a, score chhiar chhuah a nih lai hian AJ hian ring chhungah zuangin a chak ngei dawn tih a chiang tih a lang.

Ruiz lakah AJ a tlawm nawn ring tu lam hle mahse kum 30 mi AJ hian Ruiz a hneh hma zawnga chak lo nei lo a nih zia a lantir nawn leh a, boxing-a an heavyweight title hloh tawh la kir thei tlemte; Muhammad Ali, Lennox Lewis, Evander Holyfield, Mike Tyson leh Floyd Patterson-te huangah a awm ve ta a ni.

Ruiz a hneh takah chuan AJ-a hmachhawn leh tur hi sawi rik a ni nghala, nakkumah hian Tyson Fury leh Deontay Wilder-te inhnek leh dawnin, anni pahnih inhneka chak zawk zawk hi AJ hian a tum loh pawhin Ruiz nen hian a vawi thum nan leh a tawp nan an inhnek leh ngei a rinawm a ni.