Sepang-a thil thleng avang khan Rossi chu FIM Steward chuan a hrem a, Valencia-a intlansiakah a hnung ber atangin a tan dawn. He thutlukna hi Rossi chuan Court of Arbitration for Sport (CAS)-ah a thlen/khing ta a ni.
25th October, 2015-a Malaysian MotoGP-ah khan Lap 13 turn 14-ah Rossi chuan a khup a kau a, pawn zawka awm Marquez chu a thal ta a ni. Penalty inpek danah hian point thum a awm a, Rossi hian penalty point thum hmuin intlansiak leh hmasak berah a hnung bera bul tan tura tih a nih ta a.
Rossi chuan FIM Road Racing World Championship Grand Prix Regulations Article 3.4.2, para 3 tan chhanin Shell Malaysia Motorcycle Grand Prix-a Race Direction thutlukna a khing. Rossi hian Code of Sports-Related Arbitration Article R37 tlawhchhanin hremna an pek hi hlih sak turin Court of Arbitration for Sport (CAS) a ngen bawk a ni.
Championship-ah Rossi chuan 312 points neiin hma a hruai, Lorenzo chuan 305 points neiin pahnihna a ni mek, November ni 8-a intlansiak hnuhnung ber Valencia-ah Rossi hi pahnihna a nih chuan a champion thei dawn thova, hetih lai hian a hnung ber atanga bul tan tur tan chuan a huphurhawm ve dawn hle a ni.
source : motogp.com