Roseberg kan duhsak bik lo-Mercedes

05th May 2016, 04:05PM

Formula 1 team Mercedes chuan an German driver Nico Roseberg chu British driver Lewis Hamilton aia an duhsak bik loh thu an sawi. Season hmasa World Chmapion Hamilton hian tun season-ah beisei angin bul a tan tha lo hle a, inkhel vawi li a hmachhawn tawhah tum 3 lai a intlansiak a zo thei lo tawh a ni.

Hetihlai hian Mercedes driver tho Roseberg erawh duhthusam a thain bul a tan thung a, intlansiak hmasa paliah pakhtna a ni vek thung a, a teammate Hamilton point 43 zetin a tlanpel tawh a ni. F1 fans tam tak chuan Mercedes hian Roseberg an duhsak bik angin an sawi nasa hle.

Nimahsela hemi chungchanga Mercedes thuchhuah siam dan erawh a dang hle thung. An wbsite-ah hemi chungchang hi sawifiahin, "Khawl thil a nih angin a tha thei ang bera inpuahchah nimahila engmah kan tiam lawk thei lo. Kan khawl thil te hi a chhiatna siamtha mai loin hriatthiam kan tum a ni. A tha ber nih tum kan ni a, chhiatna a thleng ve thei reng a ni." tiin. Mercedes hian Russian grand prix a Hamilton-a'n intlansiak a zo thei chu mak an tih zawk hial thu an sawi tel bawk.

Copyright © inkhel.com 2024. All rights reserved.