Mizoram Football Association chuan a hnuaia club Aizawl FC-in hlawhtlinna ropui tak a chang chu thinlung takin a lawmpui a, I League an khel thei tur leh 2nd Division I League-a an champion chu May 11, 2015 hian Lammualah lawm a tum. He hunah hian Mizo mipui zawng zawng tel turin MFA chuan a sawm a ni.

Aizawl FC player-te hi May 11 chawhnu dar 3:00 velah Lengpui Airport lo lut tura beisei an ni a, hetah hian Mizo football fans a thei apiang kal turin MFA chuan a sawm. Tlai dar 5:00-ah Lammualah a lawmna hun ropui tak hman tum a ni a, he huna tel tur hian Mizo mipuite a sawm bawk a ni.

A hun : May 11, 2015; 5:00 PM
A hmun : Lammual

Master of Ceremony - Francis Paul
Zaipawl - MZI Zaipawl
Lawmna thusawi - Lalnghinglova Hmar, Hony Secretary, MFA
Zai - TBC Zaithanpuia
Thusawi - R Lalzirliana, Home Minister
Zai - Essy
Thusawi - Aizawl FC aiawh
Zaipawl - Unity Choir
Zai - Vanlalhlana