Newcastle striker Aleksandar Mitrovic chuan Rooney sawisel thin tute chu mi a an ni a ti hmiah mai. England leh United captain hian tun season-ah a khelh chhiat avangin sawiselna a tawng nasa hle a, nimahsela a striker pui Mitrovic chuan a chhan hle thung.
Newcastle nen an inkhelh tum khan Rooney a che tha hle a, goal hnih a thun bakah Lingard goal thun tur a siamsak a ni. He game a goal thun ve tho tu Mitrovic chuan," Mi a an ni. Amah sawisel thintu te hi chu football en ngailo leh hrethiam lo an ni" tiin. Serbian striker hi ala duhtawk mai lo," Goal a thun loh rei deuh chuan a team an khel chhia a, a ni tan pawh khel that theih a ni lo. Football a khelh awlsam dan en hi chuan kum sawm dang pawh a la khelh theih ka ring" tiin Rooney a dah sang hle
Mitrovic chuan inkhel zawhah Rooney-a kawr a dil thu leh amah a hmachhawn thei chu a in chhuang thu sawiin," Player ropui goal tam tak thun tawh a ni a, ka tan chuan a nawm mai bakah inchhuanna tham tak a ni" tiin England tana goal thun hnem ber record chelhtu Rooney a ngaisang thiam hle.