Ronaldo a'n chhas thar nei?

28th May 2015, 04:05AM

Italy lamah Real Madrid star Cristiano Ronaldo chuan chhas thar a tawng ni ngeiin a lang. Russian model Irini Shayk nena an inthen hnuah Ronaldo chuan Italian model chhelo zet a "date" leh tan tawh niin sap ram chanchinbu mite chuan an chhuah leh chuaih chuaih tawh.

Russian model Irini nena hun rei tak an inkawp hnuah thla nga liamta khan an inthena, an inthenna chhanah Ronaldo nu chu a bulpui ber nia sawi ni mahse hmeichhe d

ang a biak vanga inthen nia sawi a ni bawk.

Ronaldo leh Silvio Berlusconi-a fapa Luigi-a ngaihzawng hlui Italian model, Miss Italy 2011 finalist pawh lo ni tawh Alessia Tedeschi te hi an inhnim hnai hle tawh niin Italy ram chanchinbu mite chuan an chhuaha, Champions League semi-final a Real Madrid an tlak tum pawh khan Ronaldo hian a bik takin Alessia hi a inkhel en turin a lo sawm tawh bawk a ni.

Alessia hian Madrid khawpui a tlawhna thlalak a instagram account ah a tarlang nuala, Bernabeu stadium an panna thlak pawh a tarlang tel nghe nghe.

Kum 30 a upa Ronaldo hi kumhlui thlah zana Irina a then atang khan a "single" chho char char niin a langa, ram hrang hrang paruk laia hmeichhe dang biak avanga Irini nena inthen an ni tih sawi a nih hnu lawkah Spanish TV presenter Lucia Villalon leh Mexican TV presenter Vanessa Huppenkothen te nen sawi zawm an ni nghal chat a nih kha. Vanessa erawhin Twitter ah Ronaldo chu tawn pawh a la tawn loh thu a sawi thunga, Villalon pawhin thla hmasa khan Chicharito a "date" thu a sawi bawk.

Irina Shayk pawh a mal tlat tawh bik lo niin a lang ve bawka, Hollywood star Bradley Cooper nena an infawp lai New York khawpuiah tun thla tir khan hmuh an ni a, an inkar thu chu a chiang thawkhat viau awm e.

Copyright © inkhel.com 2024. All rights reserved.