Roland Garros Final-ah Djoko vs Wawrinka

06th June 2015, 11:06PM

Roland Garros khelh mek ah Semi Final chu khelh zawh a ni ta a, Semi Final thawhkhat na zawkah Wawrinka chak zawkin, a thawh hnih na nimin lamah khelh ni mahse set 4 na an khelh mek laiin Khaw tha lo in inkhel a ti khaihlak a, vawiin tlai khan khelh chhunzawm niin Novak Djokovic chuan a khingpui Andy Murray chu 6-3, 6-3, 5-7, 5-7, 6-1 a hnehin Final a tum thum nan a thleng ta. Nikum lama Final a a ngam tak loh Nadal Quarter-ah a hneh ta bawk nen kumin ah hi chuan Champion theihna hun tha a nei ta.

French Open ah hian tum 2 Final a lo thleng tawh a, heng ah te hian Clay Court master Nadal a ngam lo ve ve a, kumin ah erawh a hneh ve ta. Final a thlen theihna tur kalkawng ah hian hun harsa em em tawng loin Straight set in hnehna a chang chho zar zar a, Semi Final ah erawh Murray lakah Set 2 hloh ve mahse set 5 naah chuan a thiam na lan tir in awlsam takin 6-1 in a hneh a, Final a in vaw thleng ta.

Hemi te 2 hi an in tum ngun hle tawh a, Andy Murray hian tum 8 hneh tawhin Djoko hian tum 19 zet a hneh ve tawh bawk. Kumin kum tir khan Djoko hian Australian Open-ah Nomawi a chawi tawh a, a la chawi loh na awmchhun French Open ah chaw theihna hun tha a nei ve leh ta a, a hmachhawn tur erawh a nep bik lemlo a, Wawrinka niin inkhel hmuhnawm tak a ni leh ngei ang. Wawrinka hi nikum a Australian Open Final-a Nadal hneh tu kha ani ve leh zel bawk nen naktuk Final chu a nep lo hle ang.

Copyright © inkhel.com 2024. All rights reserved.