Rogers Cup Final a intum tur a hriat ta

01st August 2016, 02:08AM

Rogers Cup Final a intum turte a hriat ta a, Japanese tlangval Kei Nishikori leh World no 1 Novak Djokovic-te an inhmachhawn ang.

Kum 26-a upa Nishikori hian semi-final-ah Swiss player Stan Wawrinka chu 7-6 (8-6) 6-1-in a hneh a, Final khel turin a inhlangkai.

Semi-final dangah Novak Djokovic chuan harsatna em em a tawk lo a, seeded 10-na Gael Monfils 6-3 6-2-in a hneh a ni.  

Tun hmain Nishikori leh Djokovic-te tum 11 a lo inhmachhawn tawh a, Djokovic hi vawi 9 chakin Nishikori vawi 2 a chak ve tawh bawk. Nimahsela Nishikori hian an inkhelh hnuhnung 7-ah Djokovic a hneh lo vek a ni.

Copyright © inkhel.com 2024. All rights reserved.