Liverpool manager Brendan Rodgers hmalam hun chu tunkar hian tihchian a ni dawn hnai a, an club neitu zinga pakhat Tom Werner a hmu ang a engkim tihfel a ni ang.

Werner hi Thawhelhni hian Liverpool-ah zin tura beisei a ni a, season liamta thlir kir pahin Rodgers hi a hmu ang.

The Reds neitute pahnih Werner leh John W Henry chuan Rodgers dinhmun hi tha lo lutukah an ngailo niin tarlan a ni.

Liverpool hi tun season Premier League-ah khan pasarihna an ni a, season tharah Champions League an khel pha dawn lo va mi thenkhat chuan Rodgers hi ban mai se an ti tan tawh.

Kum 42 mi Rodgers hian kum thum liamta khan Liverpool hi a enkawl tan a, tun season-ah an che tha tawk lo va an league game hnuhnung berah Stoke City lakah mualphoin 6-1 in an tlawm.

Result tha an neihloh vang hian Rodgers dinhmun hi a nghing tih thawm a awm a, amah pawh hian a dinhmun thatloh thu a sawi tawh nghe nghe.