James Harden chuan point 54 zet mai a score a, mahse Houston Rockets chu Washington Wizards lakah a chakpui thei ta chuang lo a ni.

Harden chuan point 54 a thun bakah assist 13 neiin rebound 8 a la bawk a, heti chung hian overtime-ah Washington Wizards chu 135-131 in an chak ta tho a. Wizards tan hian John Wall chuan a score hnem ber a, point 36 a score a ni.

Washington hian second 19 chauh a awm tawh tihin point 2 in hma an la hruai a, mahse Clint Capela chuan Harden ball pek chu lain alley-oop hmangin point 2 a rawn thun ve leh a, overtime hi an khelh phah a. Wizards hi overtime-ah hian an che fuh ta zawk a, a chak zawkah an tang thei ta a ni.

Bradley Beal chuan Washington tan minute 50 chhungin point 32 a thun a, Eric Gordon chuan Houston tan point 36 a thun bawk.

Oracle Arena-ah Golden State Warriors chuan 116-110 in Orlando Magic chu an hneh a, Kevin Durant chuan point 49 a thun a, Klay Thompson chuan point 29 a thun a. Warriors hi a zawna vawi 4 an chak loh hnuah an harh chhuak a, tun hi a zawna vawi thum an chakna a ni ve ta.

Charlotte Hornets guard Jeremy Lamb chuan point 21 thunin rebound 8 a lak bakah assist 4 a nei a, Hornets chuan Milwaukee Bucks chu 110-107 in an hneh.

Kyrie Irving chuan point 26 a thun a, assist 10 nei bawkin Boston Celtics chuan 124-107 in New Orleans Pelicans chu an hneh a. Cleveland Cavaliers chu Minnessota Timberwolves lakah 102-95 in an tlawm.

Result hrang hrang:

Minnesota Timberwolves 102-95 Cleveland Cavaliers

Charlotte Hornets 110-107 Milwaukee Bucks

Washington Wizards 135-132 (OT) Houston Rockets

San Antonio Spurs 108-107 Chicago Bulls

Boston Celtics 124-107 New Orleans Pelicans

Indiana Pacers 121-88 Utah Jazz

Golden State Warriors 116-110 Orlando Magic