Golden State Warriors chuan 126-85 in Houston Rockets an hneh a, Western Conference finals-ah 2-1 in hma an hruai.

He inkhelah hian Stephen Curry a langsar hle a, 3-pointer pawh vawi 5 ngawt a thun a, a tawpah point 35 a thun tling a, Houston chuan an veng hneh lo hle a. Point 41 zeta Warriors an chak thei hi season zawh hnua inkhela inhnehnaah chuan a sang ber a ni zui a, a hmaa record awm sa, April 6, 1948 a point 39-a Philadelphia Warriors in St. Louis Bombers an hneh (85-46) chu an khum chiah a ni.

Kevin Durant chuan point 25 a score a, rebound 6 a lak bakah assist 6 a nei bawk a, Draymond Green chuan point 10 a thun a, rebound 17 ngawt a lak bakah assist 6 a nei bawk a. Warriors hian NBA record dang an siam bawk a, mahni home-a a zawna season zawh hnua a zawna chak hnem ber an ni a, a hmain Chicago Bulls chuan April 27, 1990 leh May 21, 1991 inkar khan a zawnin vawi 15 an lo chak tawh a, Warriors hi a zawnin vawi 16 an chak tling chiah a ni.

James Harden chuan point 20 a scor a, assist 9 a nei tel bawk a, Chris Paul pawhin point 13 a thun a, rebound 10 a la bawk a ni.