Novak Djokovic a Rio Olympic zinkawng chu a tawp ta. Men's singles a Del Potro a hneh loh hnuin doubles-ah pawh an chak zo chuang lo. World no hian Rio-ah beisei a pha lo hle.
Nole leh Nenad Zimonjic-te inkawp chuan Brazilian Marcelo Melo leh Bruno Soares-te tangdun chu 6-4, 6-4 in an hneh lo. Olympic medal hlawhchhuak tur chuan ala ngah deuh a ngai dawn a ni.
An chak loh hnuah Nole chuan mixed doubles lama khelh a tum loh thu a sawi nghal bawk. Grand Slam title 12 zet la tawh Nole hian karleh lama khelh tur Western & Southern Open (Cincinnati) a khelh a rinawm loh a, he Open hi Masters 1000-a a champion lohna awmchhun a ni.
Kum 29-a upa Nole hian hliam enkawl lai a nei nia sawi a ni a, nimahsela hemi chungchang hi Nole chuan a sawichhuak lo thung. June thlaa French Open champion a nih hnuah Wimbledon-ah third round a tla nghal a, Toronto-ah a career Master title 30-na hlawhchhuakin beiseina sang tak nen Rio pan mahse medal a hlawhchhuak zo lo.