​Rio 2016-ah Wawrinka a tel thei dawn lo

03rd August 2016, 08:08PM

Rio Olympics-ah tennis star thenkhat an inlan thei dawn lo, Switzerland mi World number four Stan Wawrinka chu a inhnukdawk ve leh a, hetih lai hian Naldal erawh a khel thei dawn.

Kum 31 mi Stan Wawrinka hian Canada-a Rogers Cup-ah a hnungzang a ti hliam palh a. Rio 2016-ah hian Stan Wawrinka bakah Roger Federer, Tomas Berdych, Milos Raonic leh Dominic Thiem-te an inhnukdawk a ni.

Banrek hliam avanga harsatna tawk Grand Slam winner vawi 14 lai lo ni tawh kum 30 mi Rafael Nadal hian French Open bak kha a la khel leh rih lo. Hetih lai hian Olympics-ah erawh Singles, doubles leh mixed doubles-ah te a inlan thei dawn a ni.

Kumin Wimbledon-ah khan Wawrinka hi second round-ah Argentine mi World Number 165 Juan Martin del Potro a hneh lova, inhliam avangin tun season chawhnu lam pawh hi a khel tha hleithei lo maithei a ni.

Pictures credit : Getty

Copyright © inkhel.com 2024. All rights reserved.