07 Nov 2020 11:21

bakteaJr.

Mizo tlangval

​Ring Magazine pound-for-pound boxer top 10

Boxing magazine lar ber pawl leh hlun ber zinga mi Ring Magazine chuan pound-for-pound boxer tha bera an ngaih 10 an thlang chhuak ve leh ta a, hming beiseiawm tak tak an awm rualin, awm tura mi tam takin an ngaih awm lo pawh an awm.

Ring Magazine hi kum 1922 atanga publish tan a ni a, kum 1924 atang khan kum tin boxer te ranking hi an lo tichhuak tawh thina, an ranking hi mi tam zawkin a an rin leh ngaihhlut ber a tih theih hial awm e.

Ring-in tunlai pound-for-pound boxer tha top 10 an thlanah hian tunlai heavyweight boxer pahnih, heavyweight division-a belt awm zawng zawng kawltu pahnihTyson Fury leh Anthony Joshua an tel lova, anni hi tel tura ngaih tel lo langsar ber an ni.

A vawi khat nan he list-ah Scottish mi a langa, Josh Taylor niin, Taylor hi pakuanaah dah a ni. Pakhatnaah mi tam tak beisei ang ngeiin Canelo Alvarez a awma, division palia world champion ni thei hi nikuma Sergey Kovalev a hneh hnuah la inhnek leh lo mahse pakhatnaah dah a ni tho va, vawi 56 a inhnek tawhah, vawi 53 a chak thei.

Ring Magazine pound-for-pound boxer top 10:

  • 10. Gennady Golovkin (Kazakhstan, middleweight)
  • 9. Josh Taylor (Scotland, light-welterweight)
  • 8. Juan Francisco Estrada (Mexico, super flyweight)
  • 7. Vasyl Lomachenko (Ukraine, lightweight)
  • 6. Teofimo Lopez (United States, lightweight)
  • 5. Errol Spence Jr (United States, welterweight)
  • 4. Oleksandr Usyk (Ukraine, heavyweight)
  • 3. Terence Crawford (United States, welterweight)
  • 2. Naoya Inoue (Japan, bantamweight)
  • 1. Canelo Alvarez (Mexico, light-heavyweight)