RFL Plastics Mizoram Football Association (MFA) Futsal League chu February ni 28, Thawhlehni zan khan Electric Veng YMA Indoor Stadium-ah Quarterfinal khelh zawh a ni a, FC Ramhlun Venglai, Chhinga Veng FC, Chanmari Zothan Futsal leh Zonuam FC te chuan Semifinal lut a hriat ta a ni.

Semifinal hi first leg leh second leg a khelh tur a ni a, first leg hi March ni 5, Thawhlehniah zan dar 7:45-ah match hmasa zawk khelh tur a ni. Second leg March ni 6, Nilaini zanah khelh chhumzawm a ni ang.

Inkhel hmasa ber FC Ramhlun Venglai leh IDBI Capital FC Tuikual North te first leg-ah 5-5 in an inhneh tawk a, second leg-ah 5-5 bawk a an inhneh tawk leh avangin penalty shootout-a chak zawk zawn a nih hnuah FC Ramhlun Venglai chuan 3-2 a hnehna changin semifinal an lut ta a ni.

Inkhel vawi hnihnaah Saron Veng FC leh Chhinga Veng FC te first leg-ah Chhinga Veng FC chuan 4-3 in anhneh a, second leg-ah Chhinga Veng FC chuan 4-2 a anhneh leh avangin Aggregate-ah Chhinga Veng FC chuan 8-5 a hnehna changin semifinal an lut bawk.

Inkhel vawi thumna FC Bungkawn leh Chanmari Zothan Futsal te first leg-ah FC Bungkawn chuan 5-3 in hnehna an chang a, second leg-ah Chanmari Zothan Futsal chuan 4-1 in anhneh thung a, Aggregate-ah Chanmari Zothan Futsal 7-6 a hnehna changin semifinal an lut ta zawk a ni.

Inkhel hnuhnung berah Zonuam FC leh Laipui FC Laipuitlang te first leg-ah Zonuam FC chuan 7-3 in anhneh a, second leg-ah Laipui FC Laipuitlang 5-4 in hneh mahse Aggregate-ah Zonuam FC chuan 11-8 a hnehna changin semifinal an lut.

February ni 28, Ningni Quarterfinal Second Leg Results
05:00 PM FC Ramhlun Venglai 5-5 IDBI Capital FC Tuikual North
(Penalty Shootout Win Ramhlun Venglai 3-2)
(Jerry Lalrinzuala 3', Lalhmangaiha 4', 16', 39', Lalmuanzuala 24') (Lalremruata 14',19' 20', 33', Lalmalsawma Zote 36')

06:30 PM Saron Veng FC 2-4 Chhinga Veng FC
(Amos Lallawmawma 4', Lalramliana 34') (Vanlalhriata 5', Lalsawmzela 32', 46', 47')

07:45 PM FC Bungkawn 1-4 Chanmari Zothan Futsal
(Zorempuia 15') (Simon H. Lalremruata 9', Samuel Laltlanthanga 21', Lalnunmawia 44' 45')

09:00 PM Zonuam FC 4-5 Laipui FC Laipuitlang
(Lalṭhazuala 6', 15', 36', Hmangaihsangzuala 33') (Peter Lalbiakhlua 30', 41', Lalbiakhlua 32', C. Vanlalkungpuia 38', 48')

March ni 5, Thawhlehni Semifinal First Leg Fixtures
07:45 PM Zonuam FC vs Chhinga Veng FC
09:00 PM Chanmari Zothan Futsal vs FC Ramhlun Venglai

March ni 6, Nilaini semifinal second leg Fixtures
07:45 PM Chanmari Zothan Futsal vs FC Ramhlun Venglai
09:00 PM Zonuam FC vs Chhinga Veng FC

MFA) Futsal League chu February ni 28, Thawhlehni zan khan Electric Veng YMA Indoor Stadium-ah Quarterfinal khelh zawh a ni