RFL Plastics Mizoram Football Association (MFA) Futsal League chu February ni 26, Thawhlehni zan khan Electric Veng YMA Indoor Stadium-ah Quarterfinal First Leg khelh a ni. Inkhel hmasa berah Zonuam FC chuan 7-3 a Laipui FC Laipuitlang hnehin point 3 an hlawh chuak a, Zonuam FC tan Lalthazuala leh Lalhruaizela chuan hattrick an siam ve ve a, Zion Lalramluaha chuan goal khat a khung ve bawk. Laipui FC Laipuitlang tan C Vanlalkungpuia chuan goal hnih a khung a, JH Lianzuala chuan goal khat a khung ve bawk.

Inkhel vawi hnihnaah FC Bungkawn chuan 5-3 in Chanmari Zothan Futsal an hneh. FC Bungkawn tan Malsawmkima leh Lalvenhima chuan goal hnih ve ve an khung a, Joseph Biakthianghlima chuan goal khat a khung ve bawk. Chanmari Zothan Futsal tan Lalrammuanpuia, Lalnunmawia leh Vanlalremkima chuan goal khat theuh an khung ve bawk.

Inkhel vawi thumnaah Chhinga Veng FC chuan 4-3 in Saron Veng FC an hneh. Chhinga Veng FC tan Vanlalhriata, Lalsawmzela, Lalruatfela leh Lalremruata te chuan goal khat theuh an khung. Saron Veng FC tan David Lalchhuanawma, Denzel Lalremruata leh H Lalbiakthanga te chuan goal khat theuh an khung bawk.

Inkhel hnuhnung ber IDBI Capital Tuikual North leh FC Ramhlun Venglai te chak zawk awmlo in 5-5 in an inhneh tawk. IDBI Capital Tuikual tan Lalmalsawma Zote, Lalruatfela, F Lalhmingmawia, Lalremruata leh Zohmingthanga te chuan goal khat theuh an khung a, FC Ramhlun Venglai tan (Lalhmangaiha chuan hattrick a siam a, Lalawmpuia Pachuau chuan goal hnih a khung ve bawk.

February ni 28, Ningani tlaiah second leg khelh leh tur a ni a, semifinal lut a hriat tawh ang. February ni 27, Nilaini tlai dar 5:00 atangin Veteran futsal tournament khelh tan tur a ni a, inkhel vawi li a awm ang.

*February ni 26, Thawhlehni Quarterfinal First Leg Results*

05:00 PM Laipui FC Laipuitlang 3-7 Zonuam FC

(JH Lianzuala 30', C Vanlalkungpuia 44', 45') (Lalthazuala 14', 29', 40', Lalhruaizela 39', 43', 44', Zion Lalramluaha 41')

06:30 PM Chanmari Zothan Futsal 3-5 FC Bungkawn

(Lalrammuanpuia 9', Lalnunmawia 20', Vanlalremkima 36') (Malsawmkima 16', 48', Lalvenhima 18', 34', Joseph Biakthianghlima 27')

07:45 PM Chhinga Veng FC 4-3 Saron Veng FC

(Vanlalhriata 6', Lalsawmzela 10', Lalruatfela 18', Lalremruata 50') (David Lalchhuanawma 8', Denzel Lalremruata 23', H Lalbiakthanga 39')

09:00 PM IDBI Capital Tuikual North 5-5 FC Ramhlun Venglai

(Lalmalsawma Zote 20', Lalruatfela 21', F Lalhmingmawia 28', Lalremruata 41', Zohmingthanga 42') (Lalhmangaiha (P) 2', 25', 49', Lalawmpuia Pachuau 9', 35')

*February ni 28, Ningni Quarterfinal Second Leg Fixtures*

05:00 PM FC Ramhlun Venglai vs IDBI Capital FC Tuikual North

06:30 PM Saron Veng FC vs Chhinga Veng FC

07:45 PM FC Bungkawn vs Chanmari Zothqn Futsal

09:00 PM Zonuam FC vs Laipui FC Laipuitlang

*February ni 27, Nilaini Veteran Futsal Fixtures*

05:00 PM FC Bungkawm vs Chawnpui

06:15 PM Ditea's FC vs Zo Fik FC

07:30 PM Ramhlun Veteran Club vs Kim Kim 77 FC

08:45 PM D Liana vs Ramhlun Venglai Sr