30 Nov 2019 09:22

bakteaJr.

Mizo tlangval

​Renault Triber 2nd Aijal Club Challenger League Final ah Chanmari Slammers Leh K-12 Acers

2nd Aijal Club Challenger Tennis League ni 25 atanga khelh tan chu ahmawr bawk ani dawn ta a, he CTL ah hian Team-5 awmin Team tin te chu vawi-1 theuh inkhel kualin a sang pa-2 ten final an khel dawn ta a ni.

Challenger Tennis League hi India State tlemte chauhin an buatsaih thei a, India ram players tha tak tak inkhel ahmunah kan en thei hi kan vannei hle.

CTL hi a tum-2 na a ni a, 1st Aijal Club Challenger Tennis League ah khan Zarkawt Xenons te champion in kuminah erawh champion thar kan hmu dawn.

Team-5 te vawi-4 theuh an khel a, Chanmari Slammers ten hneh loh neilo in points 130 hmu in final an lut chiang hle a, pahnihna ah K-12 Acers te awmin points 115 hmu in Chanmari tum turin an in vaw tling a, pathumna ah Mizoram Tennis sawi a khaw hming dai tawh ngailo tur Ngopa Warriors te points 105 neiin an awm a, palina ah champion lai Zarkawt Xenons te Points 104 nei , Bethlehem Vengthlang te chuan points 45 neiin an awm ve bawk.

He CTL ah hian India top players te anlo kal tha viau a, Ngopa Warriors atangin Mohit Maur, Dakshata, Divesh te lokalin, Bethlehem Vengthlang lamin Abhisek Gaur India no-45 la in, Zarkawt Xenons ten India ai awh a Davis Cup khel tur Nikki Poonaacha te, India Women's no.2 Riya Bhatiya leh India Ai awha World Military Games ah te pawh lokal tawh Eqbal te an nei bawk a, khawvela tennis Inelna ngaihhlut ber pawl Wimbledon te pawh lo khel tawh, Olympian&Davis Cup Player Vishnu Vardan chu Chanmari innghahna a ni bawk a, heng bakah hian players tha tak tak inkhel kan en thei bawk.

Inkhel zawng zawng hi Zonet Cable Tv ten Zonet Rihnim ah leh Zonet YouTube channel ah live in an pe chhuak reng a, a hmuna en ve theilo tan pawh inkhel hmuhnawm tak min chhawpchhuah sak reng a ni.

Finalist team bihchianna:

Chanmari Slammers

Team Owners: Zothantluanga

Team Captain: Joel Murray

A tir atanga champion tuma in buatsaih team an ni a, an tumah an chiang a, chumi tur chuan player-te pawh an chah a, team owners bakah veng mipuiten an tawiawm tha a, hnehloh nei lovin final an lut a, team tha berte zinga mi an ni a, champion turin theihna an neih zia an tarlang a ni.

Players Profile:

1.Vishnu Vardhan:

Kum-32 a upa ani tawh a, doubles ah an hmang nasa a, Wimbledon pawh lo khel tawh niin, player tha tak a ni a, Mizo player- te tan chuan a hnen atangin inzirna tur tamtak a awm thei a ni.

A hlawhtlinna chan tawh te:

1.2010 Asian Games, Guangzhou Mixed Doubles Silver Medal

2. 2010 Asian Games, Guangzhou Team Bronze Medal

3.Asian Indoor and Martial Arts Games

Gold medal – first place2017 AshgabatMixed Doubles

4.10 ITF Single's Titles

5. 41 ITF Doubles Titles

6. Wimbledon 2nd Round 2007 Men's Singles

7. Olympic 2012

8. Wimbledon 2nd Round 2018 Men's Doubles

9. Davis Cup Team 2017

2. Kunal Anand:

Player tha tak niin, a consistent em em a, ball a control thiam hle bawka, a game a hmuhnawmin a inkhel en a nuam hle a, tun league chhungin a khelh tawhah vawikhat chaklo in a dangah chuan hnehna a la chang vek.

A hlawhtlinna chan tawh te.

1. 1 ITF Doubles Titles

2.ATP Singles Ranking 1061

3.Kaavya Sawhney:

Ani hi a kum ala tamlo a, players tha tak niin, tunah hian kum-18 a ni mek a, tun league ah hian beisei phak bakin a khel a hmuhnawm a, team tan a tangkai takzet.

A hlawhtlinna lo chan tawh te.

1.3 itf junior singles title

2.9 itf juniors doubles title

3.U-18 highest rank 4

4.U-16 highest rank 3

5.Fenesta u-16 u-18 doubles winner 2 years in a row

6.2 times chennai u18 nationals doubles winner

Dec ni 31 hian University of North Carolina @Charlotte womens tennis team join turin a kal ang.

4. Jatin Dahiya:

Ani pawh hi player tha tak a ni a, a game a hmuhnawm a, a vaw na em em bawk a, team tan tangkai em emin, final ah pawh theih tawp  a chhuah a, team tan a khel a rinawm, tunah hian ATP singles Ranking no 1147 a ni mek a ni.

5. Lalhmachhuana:

Mizoram no.1 ni lai mek a ni a, ani hi Mizoram ah 2014 atangin rawn khel tanin hlawhtlinna nomawi vawi tam tak alo chawi tawh bawk a. Team tan a tangkaiin Vishnu nen inkawpin an inkawp fuh hle tih a chiang.

1. 6 Singles Title's Mizoram

2. 21 Doubles Titles Mizoram

3. 2017 Northeast Open Champion

6.Bushan Haobam:

Manipur tleirawl tha tak mai a ni a, player tha a nih zia game ah a lan tir thin a, a game a hmuhnawmin a serve thatna  a hmang tangkai thin hle a, champion tumin theihtawp a chhuah tih a lang.

7.Joel Murray:

35+ D ah khelin a game a hmuhnawm a, a khelh tawhah hnehna a la chang vek a, team tan a thawhhlawk takzet.

8. Lalhmunmawia:

Hun rei tak a chawlh hnuah a team te final a rawn luh pui lehnghal thei a, player tha tak niin, final ah pawh a chevel hmuh a chakawm tawh hle.

9. Stephen Lalhriatpuia:

35+ D ah chuan an game khaipa ber a ni a, a thluak hi team tan a tangkai em em a, a game a hmuhnawmin final a tan pawh nasa takin a rilru a hman leh a beiseiawm.

K-12 Acers

Team Owner's & Captain :Joseph Z Khuma

Nikumah finalist niin kuminah erawh chuan champion tumin nasa takin an rawn tanga, player te pawh an nei tha a, an game a hmuhnawm thei viau a, final ah hian an hneh loh tawh Chanmari an tum leh dawn a, mahse game a ni a engpawh thleng thei niin, champion tumin nasa takin an tang ngei ang.

Players Profile:

1.Joseph Z Khuma: Ani hi tennis coach anih mai bakah player tha tak a ni tel a, tunah hian Aita Men's Singles ah No-96 na ni lai niin, league chhungin team tan a tangkai em em a, an final luhtheihna chhan pakhat a ni a, a game fight a hmuhnawm thin hle.

2.Basil L Khuma: Ani hi Mizo in tennis player kan neih that berte zinga mi a ni a, hun eng emaw chen inhliamin a tih buai hnuah a rawn kir leh a, a kum a la naupanga, tunah hian Aita-ah Men's Singles Ranking no-253 ni lai mek niin, team tan player pawimawh tak a ni a, game 'class' leh hmuhnawm tak tak min entir thina, final ah pawh theihtawp a chhuah ngei ang.

3.Paul Khuma: Ani hi 35+ D players a ni a, a khel a hmuhnawmin a chetla vel a pui thei hle a, final-ah pawh hmuhnawm taka a rawn khelh chhuah theih a beiseiawm.

4. Herman Khuma: An chhungkaw pa ber ho in K-12 an rawn thawk chhuak dawn a, final ah pawh a theuneu lo viau tura ngai a ni a, a kum tam ve deuh tawh mahse team tan a la pawimawh hle.

5. CC Lalchhuangkima: Ani hi player tha a ni a, 35+ Doubles ah a rawn inlan dawn.

6.Suraj Prabodh: Ani hi Karnataka lam mi a ni a, tunah hian AITA men's Singles Ranking no-27 nilai a ni a, an player pawimawh tak niin, a khel a hmuhnawm thei em em a ni.

7. Sam Chawla: Ani hi Haryana lam ni niin, tunah kum-16 mi niin Aita U-16 ah hian No-11 nilai a ni a, U-16 ah khelin a game fight a hmuhnawm a, a la naupan na a lang tam lo thin hle.

8. Bhicky Sagolshem: Ani hi Manipur lam mi niin, U-16 ah hian No-86 nilai ani a, U-16 ah chuan a khel a sangin a 'class' zia apholang thin a, final ah a rawn lut a nih pawhin thil mak a ni hauh lovang.

9. Chandra Sekhar Mohanty: Ani hi 35+ D ah khelin a game a 'class' em em a, a hmuhnawmin a khelhpui tawh te a la hneh vek a, final ah pawh boruak sang tak nen a khelh a rinawm.

10. Sai Samhita: Ani hi India Women's Singles No.23 nilai a ni a, K-12 hmeichhe lam innghahna pawimawh tak a ni a, a khelhpui tawh zawng zawngte la hneh vekin final a luhpui thei a, final ah boruak a neih len viau a rinawm a ni .

Team pahnih te Group ah in tum tawhin hetah hian Chanmari Slammers 31-24 in K12 Acers te hi an lo hneh tawh a, tun tumah final boruak sang tak nen an khel dawn a, an vawi khat telnaa champion nghal tum Chanmari Slammers an ni a, a zawnna final a chaklo zawka tan tumlo K-12 te an ni bawk a, vawiin tlai dar 3:00 ah inkhel hmuhnawm tak kan en ho thei ang.