Mizoram Football Association leh Reliance Foundation tang kawpina an buatsaih Reliance Foundation Development League chu, March ni 15, 2023 (Nilaini) atang khan Rajiv Gandhi Stadium, Mualpuiah khelh tan a ni a.
Reliance Foundation Development League-ah hian team 6 an awm a, match day-ah hian an vai hian match an nei ziah dawn a ni.
inkhel.com chuan hetah hian team kan nei ve a, MFA hnuaia affiliated club nih a ngaih avangin Ramthar Veng FC chu thawhpuiah kan sawm, annin kan sawmna te min tih hlawhtlin sak a, an chungah kan lawm em em.
Kan match hmasa berah inkhel U21 Ramthar Veng FC hian hnehna kan chang nghal a, kan lawm tak zet a ni. Kan team tan PC Lalruatsanga chuan goal hnih a khung a, John F. Malsawmtluanga chuan goal khat a khung bawk a, 3-1 in Chawnpui FC lakah hnehna kan chang hlauh.
Match Day 1 Results :
1st Match :
Chanmari West FC 2-2 1st Bn. MAP Academy
(Ricky Lalramnghaka 63', Lalnunzira 81') (K Zonunpuia 13', Jonathan Lalfakawma 44')
2nd Match:
Chawnpui FC 1-3 Ramthar Veng FC
(Suanngaihmuana 57') (PC Lalruatsanga 44', 90+2', John F. Malsawmtluanga 47')
3rd Match :
Chanmari FC 3-3 SYS FC
(Lalbiaknia Royte 5', Lalbiakhlua 54', Lalhmunmawia 72' pen) (Vanlaldinpuia 28', Silvana R Lalruatkima 50', Mesak C Lalrinngheta 51')
Inkhel U21 Ramthar Veng FC Squad :
John Lalruatfela, Lalrampanmawia, Lalhmangaihzauva, H Malsawmdawngkima, Johny Lalrindika, Jacob Rothangliana, B Lalhmingmawia, Michael K Lalhriatpuia, Lalthlengliana, John F Malsawmtluanga, R Swapanda Jeevan Ratna Thera, Aron ZD Lalfakzuala, Lalhruaitluanga, Staposh R, Zothantluanga, J Lalbiakliana, T Lalngilneia, Malsawmzela, Jojo Zaihmingthanga, K Lalfakzuala, Samuel K Vanlalpeka, Vansangpuia, Lalramliana K, Lalrinawma, Lallungmuana, Alex K Malsawmkima, Lalrempuia, PC Lalruatsanga, Lalruatsanga, Benjamin Lalnunpuia, C Vanlalhriata
Team parukte hi ṭum hnih an inkhel kual chhuak dawn a, a tawpa a tiṭha pahnihin National Championship an khel thei ang.
India ramah hmun pakua thlan bikah he inelna hi khelh a ni dawn a, hei hi 'National Qualifiers' tia dah a ni.
Hmun hrang hranga a tiṭha team pahnih ṭheuh hi National Championship-ah an khel ang a, India rama club tiṭha palite hi international tournament-ah an khel ang.
Reliance Foundation Development League-a a tiṭhate tan hian an kal zelna turin international tournament Next Generation Cup siam a ni a, hei hi Premier League leh Indian Super League ṭang kawpin an buatsaih a ni.
Kum 2022 khan Next Generation Cup-ah hian Reliance Foundation Development League lamna tiṭha pahnih Bengaluru FC leh Kerala Blasters-te an khel a.
Premier League aṭangin Tottenham Hotspur, Leicester City, Westham United, Crystal Palace leh Nottingham Forest academy-te nen an inkhel. Kum 2020 khan Manchester United, Chelsea leh Southampton academy-te pawh an lo inlan tawh a ni.
Pictures Credit : Mizoram Football Association