Professional Game Match Officials Limited (PGMOL)-a an hotupa ber Mike Riley chuan Everton hnenah thupha a chawi.

Inrinni liamta khan Everton hian Goodison Park-ah Manchester City an lo mikhual a, si khat faiin Manchester City hian hnehna an chang.

He inkhelah hian 1-0 a nih hnuin City midfielder Rodri chu chiang takin box chhungah a hand-ball a, mahse VAR lama endik a nih hnuah referee Paul Tierney leh VAR-a thu Chris Kavanagh te chuan Everton hi penalty an pe lo.

Everton lam an thin a rim hle a, inkhelh zawhah Everton manager Frank Lampard pawh a thinrimzia kan hmu a, Everton hian referee te lam atanga ngaihdam dilna tal an phut a, an phut angin Riley chuan refree te aiawhin ngaihdam a dil ta a ni.

Penalty hi pek ni se chuan Everton hian point 1 hlawhchhuah theihna chance tha tak an nei a, mahse point thum an hloh vek a, Rodri-a hand-ball kha a chiang bawk nen Everton lam lung a awi lo hi a awm hle.

Everton hi an che tha lova, khelh 24 atangin point 22 bak an la hlawhchhuak lova, tunah hian Premier League table-ah 17-na dinhmun an hauh mek a ni.