19 Nov 2018 10:41

inkhel

Referee Development Course neih a ni

All India Football Federation leh Mizoram Football Association buatsaih, Referee Development Course chu November 19 khan Rajiv Gandhi Stadium-ah ṭan a ni a, AIFF aṭangin Referee Instructor pahnih - Rizwan Ul Haq leh Supriya Bhattacharya-te an lo kal.

A ṭan ni hian referee 59 an inziak lut a, District hrang hrang aṭangin Referee hi an la kal belh zel beisei a ni.

Hawnna hun kaihruaitu MFA Referee Committee Chairman C Vanlalmawia chuan MFA-in sum tam tak sengin referee-ṭe hmasawnna tura development course a buatsaih tawh dante a sawi a ni.

He hun hawngtu MFA Honorary Secretary Lalnghinglova Hmar chuan football hmasawnna a kal tluan dâwn chuan referee ṭha kan mamawh ṭhu a sawi a, Mizo referee-ṭe chu a taka (practical) ṭha tak tak awm mah se exam-a kaisang zel tura an inzir peih tawk loh avangin national level-ah referee kan nei meuh lo a, ṭan la turin kal khawm ṭe a fuih.