O2 Arena-ah September ni 10 hian boxer record nei tha pahnih an in hmachhawn dawn a, chu chu tu dang ni lovin Gennady Golovkin leh Kell Brook te an ni, an ni pahnih hian an professional boxing career-ah chakloh an la nei lo ve ve a, Brook hi welterweight atanga rawn chho ni mahse record a nei thain amah hi a tha hrim hrim bawk a he fight hi a theuneu lo tawp ang le!

Brook (36-0-KO25) chuan WBA Super, WBC leh IBF world middleweight lalpa Golovkin (35-0-KO32) a hmachhawnnaah hian IBF, WBA, WBC leh IBO Middleweight title chu a chak zawk lak theih turin chhuah a ni dawn a ni. Golovkin hian a title kawl lai te a hum thei hawm ang em le!?

An pahnih chak zat belhkhawm hi 71 a ni a, hengah hian knockout 57 lawih a awm bawk a ni. Engpawh chu nise tu emaw zawk hi chuan hnehloh neilo record hi an hloh ngei hmel a ni.

British boxer hmachhawn tur hian Kazakhstani boxer hi England-ah a zin dawn a, England-a a zin hnuhnung ber khan Upton Park a West Ham United inkhel chu a hmunah a en ve nghe nghe.