Football leh music hian in zawmna thuk tak a nei niin a lang a, footballer zingah music ngaina an tam hle. Chutiang bawkin zaithiam lar tak tak football ngaina fe fe an awm nawk bawk.
Tunlai a zaithiam lar em em mai Justin Bieber hian Chelsea leh Barcelona a tan em em a, Neymar-te nen pawh an inkhel ho ve zak zak tawh a ni. One Direction pawh an bang bik lova, football an ngaina hle. Harry Style leh Louis Tomlinson-te hian football an ngaina zual bik niin a lang a, Louis Tomlinson phei hi chu footballer in ti ve ngat a nih bakah Doncaster Rovers football club neitute zing a mi a ni nghe nghe.
Hmanni lawkah Liverpool leh France player hlui Djibril Cissé pawhin inkhelh chawlhsan in DJ lam luhchilh a tum thu a puang a nih kha. Neymar pawh hi music ngaihna tak niin lam a peih hle bawk a, Zlatan Ibrahimovic hian Raggae a ngaihna hle bawk.
Liverpool forward Daniel Sturridge pawhin Drake a ngaisang hle a, chutihrualin Eminem-a hla erawh a hre vaklo thung. Sawi dawn chuan sawi tur a tam a, football leh music hian in zawmna thuk tak an nei tih a chiang hle. Professional footballer tam tak te pawhin an mahni tiphurtu atan hla an ngaithla nasa hle thin.
Everton, Reading leh Sheffield Wednesday tan pawh a lo khel tawh Drenthe chuan rap hla a rawn ti chhuak thar veleh ta a, ani phei hi chu a vawi hnihna a ni tawh. Mahse tun tuma mi chu ama pual bik a ni thung.
Kum 2007 a Feyenoord atanga Real Madrid €14m a zawmtu hian kum 2014 khan Tak Takie tih chu a thianpa U-Niq nen an lo tichhuak tawh bawk. U-Niq hi Rotterdam rapper a ni.
(adsbygoogle = window.adsbygoogle || []).push({});
Tun tuma a hla hi Paranoia niin Roya2Faces hnuaiah a tichhuak a ni. A tihchhuah tirh atangin you tube-ah viewer a nei tha nghal hle a, like tu tam tak zingah dis-like pawh a ngah hle bawk.
A hnuaiah hian link kan dah tel e....
Dutch leh sap tawng a inpawlh deuh nawk a, rap music pangngai tak ni chuan a lang. Ngaithla la, i ngaihdan han comment-ah han share ve reng reng teh khai.