Spanish journalist Josep Pedrerol-a'n Spanish television La Sexta-a a sawi hi Manchester United fans tan chuan thu lawmawm loh leh thinthawng tak a ni ngei ang le.

Journalist Josep Pedrerol-a'n chuan Man Utd goalkeeper Dea Gea chuan Real Madrid pan a duh tih amah ngeiin a sawi chhuak niin a sawi a. Kumin Champions League quarter finalist Real Madrid hian kum 24 mi spanish goalkeeper tha hi an hel an hel tawh tih media atangin kan hria.

Old Trafford-a Dea Gea contract chungchang pawh tihfel a la ni bawk si lo nen, PFA Player of the Year nominee Dea Gea hian Casillas awm reng mahse Bernabeu pan duh tih tarlan a ni.

Josep Pedrerol chuan,"David Dea Gea chuan Madrid pan a duh tih a sawi chiang e. Manchester United goalkeeper hian season thar atangin Real Madrid kawr hak a duh. Tunge goal veng ang tih chu Dea Gea an neih theih chuan Real Madrid tan thutlukna siam harsa a ni dawn lo.

"Dea Gea hian Real Madrid pan a duh tih hi thil chiang kuang tak a ni. Harsatna pakhat awmthei chu Iker Casillas-a hma hun chungchang vang a ni, hei erawh hi chuan Dea Gea lakluh kawngah harsatna a siam lovang.Club pahnih indawr tawnna chiah a ni tawh mai," tiin a sawi.

Josep Pedrerol hian hetia Dea Gea-a'n Man Utd chhuahsan duhna thinlung a put chhan hi an manager Van Gaal nen an karthu a that em em loh vang leh an ram ngeia inkhelh a chak vang niin a sawi bawk.